NATHAN:
MABUTI NA LANG at nakasundo ko ang mga lalakeng pinsan ni Yoona nang ipakilala ako nito sa mga itong nagsidatingan. Unti-unti akong nabubunutan ng tinik sa dibdib na nakakasundo ko ang pamilya nito. At ramdam kong tanggap ako ng mga ito kahit hindi ako kasing-yaman ng angkang pinagmulan nila.
Nangingiti ako habang nakahiga dito sa silid ko na iniisip si Yoona. Kung hindi lang sa pagmamalabis ay hihilingin kong magtabi sana kami ngayong gabi. Hindi ko naman siya ikakama lalo na't hindi pa kami official. Gusto ko lang siyang makayakap sa buong magdamag at madama ang malambot, mabango at mainit nitong pangangatawan.
Napapikit akong pinilit ng maka-idlip. Nakakahiya kina Sir Ethan kapag tanghaliin ako ng gising eh nagta-trabaho ako sa kanila bilang bodyguard ni Yoona. Pero hindi p
