TALAGANG pinag-initan ako ni Lieutenant Rex sa training namin. Isang buong araw niya pa akong trinaining sa taekwondo para lang manakit ang katawan ko, bago kami muling bumalik sa pagbaril, pero tuwing hindi ko tinatamaan ang target ay sinisigawan ako at parang mainit na ang ulo sa akin. Kaya naman 'yung pagsingil ko sa isa kong milyon sana ay hindi ko na lang inulit at kinalimutan na muna pansamantala dahil baka mapag-initan niya na naman ako.
Kasalanan din naman kasi niya, sabi niya basta mapatumba ko siya kahit sa anong paraan, eh 'yun lang ang paraan na naisip kong gawin para mapatumba siya dahil alam ko kung gaano siya kagaling. Pero dahil sa ginawa kong 'yun ay napag-initan pa niya tuloy ako at nagmukha pa akong walang karespeto respeto sa kanya. Pero humingi na rin naman ako ng pas
