KINABUKASAN ay maaliwalas na nagising si Peach sa kwarto ni Adriano. Ito ang kauna unahang pagkakataon na nagtabi silang matulog pagkatapos ng mainit na gabing pinagsaluhan nila.
Napatingin si Peach sa bedside table at nakita ang cheke. Kinuha niya iyon at tinignan.
"Oh ayan ah, pinalitan ko na, nag sorry na rin ako kagabi baka naman galit ka pa rin," saad ni Adriano, napatalon naman si Peach sa gulat nang marinig niya ito dahil bigla na lang itong iniluwa ng pinto.
Ibinalik naman ni Peach sa bedside table ang cheke, nahihiya siya dahil inaway niya ito kagabi dahil doon at pagkatapos ay tinitignan niya ito ngayon.
"Okay na yan, tabi mo yan, pera mo yan," saad ni Adriano habang nakatalikod, abala ito sa pagbukas ng pintong salamin sa terrace nito.
Mataas na ang sikat ng araw ngunit
