"Anong pumasok sa kokote mo at nilabas mo si Mommy?! Bawal siyang ilabas! Paano kung lumala ang kundisyon niya?!” singhal ni Adriano na galit na galit.
“Gusto ko lang naman siyang makalanghap ng sariwang hangin at maarawan dahil walang araw sa kwarto niya,” pagtatanggol ni Peach sa sarili. Galit na galit si Adriano at naninigaw na at wala siyang magawa kundi umiyak lang ng umiyak.
“Mahigpit na bilin ng doktor niya na wag siyang ilalabas, ingat na ingat nga ako kay Mommy tapos ikaw ilalabas mo?! Paano kung lalong magkasakit yan?! Maibabalik mo? Huh?! Hindi ka ba nag iisip?! Tang ‘ina, problema na nga si Yona, dumagdag ka pa!” singhal ni Adriano na nasipa ang upuang kahoy sa harap niya dahil nasa dining area sila, natamaan ang tuhod ni Peach ngunit hindi iyon ininda ni Peach, mas masakit
