ISABELLA
“Anak?”
Napabangon ako nang marinig ko ang boses ni mama. Inayos ko ang sarili at sinuot ko ang reading glass ko para hindi mahalata ang namumula kong mga mata.
“Sandali lang po.”
Lumapit ako sa pinto at binuksan ito. Bumungad sa akin si mama, niyakap ko siya at hinalikan sa pisngi dahil kakadating lang siguro niya.
“Hindi ka ba sasabay na kumain sa amin? Ikaw na lang ang hinihintay namin.”
“Hindi po muna mama, busog pa kasi ako kasi kumain ako kaninang meryenda.” Pagdadahilan ko.
“Ah ganun ba? Sige bababa na ako…magpapatabi na lamang ako ng ulam kapag nagutom mamaya.” wika niya sa akin.
“Kahit huwag na po mama, mag-sandwich na lang po ako mamaya kapag nagutom ako.”
Ngumiti siya sa akin at nagpaalam na rin. Bumalik ako sa kama at nahiga. Inasahan kong aakyatin ako n
