Lihim na binibilang ni Calix ang pinto habang naglalakad silang dalawa ng kaibigang si Knight. May inutusan kasi ito para tumulong na mag-ayos ng mga gamit sa mag-ina n'ya habang walang katapusang sermon naman ang natanggap n'yang tulong mula dito.
"Sigurado ka bang ito ang magiging kwarto ko, Dude? Bakit ang layo naman yata sa mag-ina ko?" kunot ang noo n'yang tanong.
Humugot naman ng malalim na hininga si Knight saka ito sinamaan ng tingin.
"You told me that this family's existence was temporary at ito ang naisip kong solusyon sa problema mo."
Sinadya n'yang umiling sa harapan nito para makita ni Knight na hindi siya sumasang-ayon sa naisip nitong solusyon. Ito na yata ang unang beses na hindi n'ya susundin ang suggestion ng kaibigan.
"Hindi naman kasi pwedeng huwag ko silang lapita
