❀⊱Jocelyn's POV⊰❀
"Sa susunod ayoko na. Hindi mo nakita ang hitsura niya kaya wala kang alam sa nararamdaman ko ngayon. Biruin mo ilang oras siya sa labas pero hindi man lang natin siya nagawang papasukin. Beshie naman, hindi ka ba naaawa sa kanya? Ako ang nasasaktan. Namumula ang mga mata niya, tapos nakita ko sa peephole na tumulo ang mga luha niya. Huwag ka namang magpadaig sa galit mo kasi baka sa huli ay ikaw pa ang masaktan."
Hindi ako kumibo sa tinuran ni Teodora. Bakit nakikita nila na nasasaktan ngayon si Zandro? Bakit, hindi ba ako nasaktan ng labis nuon? Muntikan pa akong makunan dahil sa labis na pighati ng aking puso. Tapos ngayon, ganyan pa lang ang ginagawa ko, parang ang sama-sama ko ng tao? Hindi ba pwedeng ayoko siyang makaharap dahil nanunumbalik sa akin ang lahat ng
