ZERRA NICOLE'S POV
Naiinip na ako rito sa bahay dahil apat na araw na akong hindi nakakapasok sa opisina, dahil sa pagkaka-sprained ng kanang paa ko. Napilitan na kasi akong magpa-check up sa doktor dahil hindi pumayag si Drake na hindi ito patingnan. Kahit anong tanggi ko ay ito pa rin ang nasunod. Ipinagpapasalamat ko naman ang pangungulit nito na madala ako sa doktor dahil sabi ng doktor ko, ay mas lalong lalala ang paa ko kung hindi naagapan. Namaga na kasi talaga ang paa ko dahil dalawang araw pa bago ako napilit ni Drake.
Ngayon ay medyo okay-okay na ang paa ko dahil sa saklay na gamit ko. Pinagamit ako ng doktor pansamantala para raw hindi mapuwersa ang injured kong paa. Pero pinayuhan ako nito na isang linggo kong ipahinga ang paa ko para raw mabilis ang paggaling. Na wala naman
