MAGTATATLONG LINGGO na mula nang huling makita si Nikka. Kinakabahan na siya. Ilang beses din siyang pabalik-balik sa karendirya at bahay ng nga ito. Para na siyang mababaliw at hindi alam kung saang lupalop hahanapin si Nikka. Hanggang maalala si Mr. Guzman. Maaaring alam nito ang address sa probensiya ng tiyuhin ni Nikka na nakilala.
Nasa harapan siya noon ng bahay nina Nikka at wala pa ring palatandaan na may tao roon. Tatawagan sana ang detective ng makitang may humintong tricycle. Napatigil siya sa ginagawang pag-dial ng numero ng makitang sa likod ng tricycle number ay pababa ang ina ni Nikka.
Nabuhayan siya ng loob at agad na bumaba sa kaniyang sasakyan. Doon ay nakitang nakababa na rin si Nikka at may kasamang bata.
Nagulat si Nikka nang makita kung sino ang pababa ng isang maga
