HINDI MALAMAN ni Terrence kung bakit tila kakaiba ang pakiramdam sa batang kasama ni Joy sa larawan sa cellphone nito. Tila kasi nasasalamin doon ang kaniyang kabataan. Alam niyang babae ang baby na hawak ni Joy dahil sa suot nitong cute na bestida ngunit dahil wala pa itong buhok dahil tantiya niya ay five-six month old pa lamang ito.
Hindi niya mapigilang haplusin ang mukha ng dalawang taong naroroon. Doon ay napaisip siya kung anak ba ito ni Joy. Ngunit sabi nito minsan ay wala pa silang anak ng asawang si Felix kahit may katagalan na ang mga itong nagsasama.
Bumilis ang pintig ng pulso at gumapang ang kaba sa dibdib ni Grace ng makitang hawak ni Terrence ang cellphone niya. Ang bibilis ng kabog ng dibdib habang papalapit sa kanilang mesang kinauupuan.
