"OKAY pero hindi ako pwedeng magtagal," aniya na lamang. Narinig pa niya ang kagalakan sa boses ni Terrence bago nito nababa ang tawag niya.
"Yes!" Masayang bulalas ni Terrence sa kawalan ng tuluyang pumayag si Joy.
Masigla siyang pabalik sa loob ng kabahayan nila ng biglang magsalita ang kapatid niya.
"Mukhang in love ang kuya ko ah," ang ngising wika nito saka umakbay sa kaniya kahit nahirapan itong abutin ang balikat niya.
Napangiti na lamang siya sa sinabing iyon ng kapatid.
"Tulog na ba ang mag-ama mo?" Baling tugon rito. "Matulog ka na rin."
"Hindi pa ako inaantok kaya may oras pa akong makinig sa ikukuwento mo. So, tama ba ako. Babae ang kausap mo kanina at dahilan ng mga ngiti mo?" Ang mapanuksong baling nito sa kaniya.
