LAST day ko na sa pagtatrabaho bilang yaya ni Fatima. Mami-miss ko ang batang mataba. Mami-miss ko rin ang kakulitan at katigasan ng ulo niya.
Nitong nakaraang buwan hindi na niya ako kinakausap. Kung magtatanong man ako ay doon lang siya nagsasalita. Sinusungitan niya ako at lagi nakasinghal sa akin.
"Oh, Andrei, wala pa ba ang alaga mo?" tanong ni Kuya Bert.
Umiling ako. Hindi na ako pumasok sa loob ng bahay. Dito na lang ako sa sasakyan naghintay. Nailagay naman na ni ate Yolly ang bag ng bata sa backseat. Nang makita kong parating ang alaga ko pinagbuksan ko siya ng pinto. Tahimik lang siyang pumasok. Hindi man lang niya ako tinapunan ng tingin.
Ewan ko ba hindi magandang ang pakikitungo niya kay Elena. Mabuting tao si Elena at napakahaba ng pasensya. Bagay na bagay sa kanya ang
