6 years later
"Fatfat, anak, halika na baka ma-late ka sa school." Wika ko sa limang taon gulang kong anak.
Napangiti ako dahil napakalusog ng anak ko. Naalala ko tuloy sa kanya si Fatima. Parang si Majin buu lang bilog na bilog.
"Daddy, nilagay mona ba sa bag ko 'yung cookies na ginawa ni yaya?" tanong niya.
Lumapit ako sa anak ko at saka hinagkan ang kanyang matabang pisngi.
"Yes, po, nasa bag mo na. Siyempre hindi ko kalilimutan 'yun. Ayokong nagugutom ang baby ko" Napahagikgik ang anak ko sa sinabi ko.
Naglakad kami papuntang sasakyan ko. Binuhat ko pa siya para maiakyat sa loob ng sasakyan. Nahihirapan kasi siyang humakbang sa sobrang taba. Pagkaupo ng anak ko ikinabit ko ang seatbealt.
“Thank you, Daddy” Pasasalamat niya.
Nakarating kami ng matiwasay sa kanyang school.
