Jelly’s POV
“Hindi na lang pala ako sasali sa Bikini Open kung hindi rin pala si Sir Luke ang isa sa magiging judge.” maliwanag kong narinig mula kay Malou pagkapasok ko pa lang dito sa kusina.
Seriously!? Sa isip-isip ko. Tuwing papasok ako sa kusina na ito sa bawat umaga, ay paborito talagang almusal ng mga kasamahan ko sa bahay si Sir Luke.
Kung hindi naman ang buntisero kong amo ang usapan, ay ang kumpare nito na Sir Rome ang topic. Nagkaroon tuloy ako ng curiosity na makita ang kumpare ni Sir Luke. Si Melanie kasi ay tuwing tatawagan ko ay bukambibig din ang amo niya... Siguro nga ay gwapo rin ng amo nito.
Hindi pa napansin ng mga kasamahan ko ang presensya ko kung hindi pa ako bumati ng malakas. Lahat sila ay lumingon sa akin
"Kain, Jelly!" masayang alok ni Ate Lailani sa akin
