“SUMAMA lang naman ako nang dahil kay Eden,” sabi ni Nikki kay Caden. Mahina lang ang pagkasabi niya habang naglalakad sila pabalik sa kanilang puwesto kanina.
Inignora lang nila ang tingin sa kanila ng ibang mga tao. Siguro ay dahil nagtataka ang mga itong medyo natatagalan sila sa CR. Pero pakialam ba ng mga ito? Iyong iba naman ay walang pakialam dahil nakapokus lang sa palabas.
Lumingon sa kanila sina Eden at Zander na puro nakangisi at nanunudyo ang mga matang nakatingin sa kanila. Hindi na lang ito pinansin ng dalaga. Pero alam niyang uulanin siya ng tanong mamaya ni Eden o kaya ay si Caden ni Zander.
Peste! Bakit ba kasi ako nagpadarang sa kaniya? She sighed inwardly. Sa isip niya ay ilang beses niyang binatukan ang sarili. At hindi niya maipagkakailang ang ebidensiya ay nasa bas
