“At alam ko rin kung saan ang tirahan mo,” pagmamalaki pang tugon ni Caden kay Nikki sabay ngisi.
“Ano? Stalker lang?” Sinimangutan ito ng dalaga. “You’re a creep!”
Tawa naman nang tawa si Eden. “Hay, naku! Ano ba ‘yan? Puwede bang tigilan mo na ang pagiging mataray kay Caden? Siya lang naman kung sakali ang pinakaguwapong stalker sa balat ng lupa.” Bumaling pa ito sa binata. “Magkano nga pala ang asong ‘yan?” tanong nito. “Bibilhin ni Nikki para sa ‘kin, eh. Malungkot kasi ako since yesterday kasi namatayan ako ng dog pet. Naisip niyang mapapasaya niya ako kapag may bagong tuta na ako. At gusto ko nga ang tutang ‘yan.”
May tiningnan ang lalaki sa laptop bago bumaling sa kanila. “Walang presyo, eh. Nakaligtaan yata ni Zander. Ibibigay ko na lang sa ‘yo ‘yong tuta,” anito. Kinindatan pa
