“OY, ilang buwan na bang nanliligaw sa ‘yo si Caden, ha?” May panunukso sa ngiti at tono ni Eden nang tanungin si Nikki.
Nasa hardin niya sila isang Sabado at papalubog na ang araw kaya hindi na masyadong mainit dahil na rin sa mga kahoy sa paligid at sa malaking payong na kanilang gamit. Siyempre nagtatago siya sa lilim nito.
Napatingin siya kay Lovey na nasa bisig nito at inapuhap ang ulo ng aso. Napangiwi pa siya.
“Bakit? Hindi ko alam na nanliligaw pala siya sa ‘kin,” deny niya na pilit magpatay-malisya. “Sino’ng may sabi sa ‘yo niyan?” Inabot pa niya ang baso ng malamig na cucumber juice at ininom iyon nang marahan. Naisip niyang mahigit dalawang buwan na rin ang nakalipas mula noong nagkita sila sa club at kinukulit pa rin siya ng lalaki. At ngayon ay medyo lumaki na nga ang pet
