“ANO’NG ginagawa mo rito? Disoras na ng gabi, ah!” asik na bungad ni Nikki nang makita kung sino ang pinapasok ni Mena sa bahay niya. Umeksit kaagad ang kasambahay upang magtungo sa kusina at i-double check ang mga locks doon. Siya naman ay napasulyap sa relo niya. Mag-a-alas-diyes na ng gabi.
“Ah, sorry. Nagkasarapan ang usapan namin ni Zander. Galing ako sa bahay niya. Nagpunta lang ako rito para magpaalam sa ‘yo nang personal at hindi na ako nag-text o tumawag sa ‘yo,” tugon nito. “Sorry kung naistorbo kita.”
Naamoy niya ang beer sa hininga nito kaya medyo napaatras siya. Napasimangot pa siya sa binata. “Uminom ka at nagmaneho? Sira ka ba?” she scolded him. Lalong nagkiskis ang mga kilay niya.
Humakbang ito palapit sa kaniya. “Wala sa plano ko ang magpunta rito. Pero habang nagda-dri
