PAGKATAPOS makausap ni Nikki ang isang kustomer sa labas ng opisina niya ay inihatid niya ito sa may parking lot. Doon ay tumunog ang message alert tone ng cell phone niya. Kaya naman ay hinugot niya ang device mula sa suot na slacks.
Napanganga siya nang makita ang text sa kaniya ni Caden. Napaikot siya ng mga mata. Ni-reply-an niya ito.
“Ano ‘to? Pang-slam book???”
Nakalista kasi roon ang mga tanong ng lalaki ng kung ano ang paborito niyang movie, sport, lugar, pet, author, director, singer, actor/actress, kulay, bulaklak, subject, pagkain, damit, palabas ng TV, website at pati na kung ano ang Zodiac sign, hobby at happiest moment niya.
Isang emoticon na nakangiti ang natanggap niyang reply mula sa lalaki pagka-send niya ng reply dito. Pagkatapos ay nag-send ito uli ng isa pang kasun
