حنين

الفصل الثاني

خرجوني من المستشفى

قعدت فيها سبعة يوم و9شهر زي السم في القلب الأسبوع الإضافي دا عشان دكتور عمر يتأكد من إني خلاص بقيت كويسه إلى حد ما يعني وبغض النظر عن الرصاصة

طبعا انا أعجبكم ولا هاميني انو في رصاصه في راسي بالع**س كنت مبسسوطه وبستمتع بي كلمة معجزة دي..

يب يب بعرف ..عديمة هارت و هيومنستي ( انسانيه زي ما بسميها (

جو اهلنا ومعارفنا والبيت ما بد*ك الدرب ..اعمممل شنو اذا كنته سكككر العيييله وبهجتها وسرورها

ودفعها ( زي ما في كتاب الأسلاميه حق تالت)

طبعا انا وحيدة اومي وابوي

ملاكهم البرئ

بالرغم من كده ابوي صارم جداً وبرفض رفض تام انو حد يعترض على كلامو عشان كده رفض فكرة اني اقدم كلية الدراما والموسيقى في

جامعة السودان وقال إلا يقدم لي جامعة الاحفاد..

حتقولو كنتي تحاولي تقنعيهو بدل تهربي.. يلا ابوي كن ركب راس الموضوع بكون محسوم .

في صبح من الصباحات كنت بصلي الساعة كانت عامله

7:34ص ابوي دق لي الباب ..قلت ليهو اتفضل

استهل حديثه بعد ما اتطمن على صحتي : بالنسبه للجامعه طبعا امك راسها والف سيف ما تقري ليكي كلية نسبتها كم وستين وانتي جايبه 85..

قلت ليهو امي براها ؟

انتي قاصده شنو يا بت هووي .

يا ابوووي انت وانا عارفين انك انت زاتك ما عايزني اقراها ..طيب ما حأقرااها مدام انتو شايفين كده

انتي جاده ؟

يب يب جاده بس كمان انا عندي شرط .

شرط؟

حنين : ايوا

اها شرطك شنو يا ست حنين

ما عايزه الأحفاد .قدم لي طب اسنان في الرازي ودا آخر كلام عندي

ابوي سكت مسسافه وطلع .

...

قمت لميت موصلايتي ونزلت تحت للشاي .كانو أمي وابوي ( بنك الثواب زي ما بحب اسميهو )

قاعدين يتكلمو. ومن ما جيت قامو سسكتو يب يب عديمين الهارت والهيومنسيتي لانو انا متأكده 100% انهم بنضمو فيني وفي قراري

صباحو ماما

طبعا أمي اسمها تهاني

تهاني : اهليين يا حب قساي و وجع أساي

اصبحتي كيف حبيبتي ؟

كويييسه يا نبعو ..وين ماما مريم ؟

طوالي أمي لوت خشمها وقالت : في غرفتها

طوالي عملت خلف دور على غرفة ماما مريم.. ملاكي الروحي ..بحب الانسانه دي ياخلانها اكتر زوله بتفهمني بالرغم من انها مرت ابوي بس احن زول واغلى زول لي

احكي ليكم عنها شويه

ماما مريم مرتو الأولى لي ابوي وقت ولدوني هي الربتني انا وبتها وداد .بس وداد طبعا مفقوده ليها سنه كاامله .ما معروف ميته ولة حيه ماما مريم مرة صابرة كتير ..لأنو زمان برضو فقدت ولدها . يعني عيالها الاتنين ماف عشان كده لمن تقعد معاها الزول بحس بأنها ما طبيعيه .أمي بتقول انها جنت بس انا شايفاها أعقل واحده في الدنيا دي.

دقيت باب غرفتها ودخلت : حبيبتي دي صاحيه

مريم : صاحيه يا عيون حبيبتك .ادخلي ي قلبي .

طبعا ماما مريم اكبر من امي .عمرها كم واربعين كده و محتشمه نهائي ما بتشوفو شعرها برة ..امي عمرها 37 .. مرة برستيجها عالي وسيدة اعمال محترفه ..يد ابوي اليمين.كانت زمان السكرتيرة بتاعتو

ابوي بنك الثواب 57سنه راجل صعععب بس حنون? بدا حياتو من الصفر والآن يمتلك واحد من أكبر مصانع الغلال واعمالو لايشق لها غبار

دي أسرتي

اتونست مع ماما مريم كداا

..

لغاية ما أبوي جا ناداني : حنيني

ايون بابا

تعالي برة شوفي جبت ليكي شنو

قال كده و طلع

استغربت طبعا ..بس طلعت لأنو انا في الشششمار ماف حد بفوتني..

طلعت برة وامي كانت واقفه كن أشوف ليك عربيهBMW سوداء بتلممممع واقفه برة .

صرخت ونطيت وحضنت امي وجريت خنقت ابوي من الحضن

يا بت هوي حأتخخخنغغغ?..فكيتو وجريت على العربيه لفيت عليها كويس وجيت جري فتحت الباب بس كان في حد جوه

ابوي !

ابوي : سواق ياا روح ابوكي سواق.

بسس يا ابووي انا بقدر اسوق

ابوي : همغوا ( الكلمه السودانيه البتعني لالا)

بي سواق ولة هسع برجعها الشركه

انا طبعا لازم أقبل بالواقع : حاضر يا ابوي التشوفو

السواق نزل عشان يعرفني بي نفسو ...و و و و و

و اريتو لو ما نزل

اريتو ما جابو لي عربيه

ما لقيت يا ابوي غير دا

. ❣

#رشا_تحكي

ااخ قطعتو

ختيت يدي في حنفية المطبخ وغسلت الجرح.

نينه صحت وكانت بتبكي شديد

جريت عليها خفت تكون وقعت ولا حاجة

يا ننوش يا حووب مالك

وقت شافتني طوالي سكتت .

اتعودت عليك

دا طارق قال كده ودخل: صباحك حلا

اهليين صباحك نوور

رهف ما صحت ؟

..لالا ما صحت

عشان الليله ما عندها مدرسه نايمه لي 10:34

ضحكت وقالت ليهو : طيب صحيها عشان تجي تفطر بالمرة

طيب حأمشي أصحيها

طارق طلع وهي اتنفست الصعداء .: بقى بوترني والله ..اعمل شنو ياخ ..دا الناقص كان ..ان شاء الله بس أكون حبيتو عشان اتم الفضل

نينه تضحك. ساي وتجر ليها طرحتها وكانت بتقول : م ما بت ملاك بجد .وأحلى شي فيها شعرها المكزبر دا ..نينه عمرها هسع سنه و44 شهور بتمشي شويه شويه وكلامها ما مفهوم نهائي

وبتقول لي رشا ماما

❣❣

شالتها وطلعو المطبخ عشان تجهز ليهم الفطوور

الباب دقه ..نادت طارق يفتحو بس شكلو ما سمعها .

يا ربي دا منو الجاي من الصباح كده

صلحت طرحتها ومشت تفتح الباب .

وقت فتحتو كان في مرة انا بقول الششر كله متجسد في هيئتها

ومعاها بت امورة كده عشرينيه بس الظاهر عليها لئيمه

و ولد شاب كده عشريني وكانو بعاينو لي بزهول .

الله يجيب العواقب سليمه يا فله ديل ناس منو الجبتيهم لي ديل!

flash_back

السكرتيرة : سيد كمال .غرفة الأجتماع جاهزه.

كمال: اوك. جاي هاك الملف دا وصليهو غرفة الأجتماعات.

السكرتيرة : تمام

طلعت السكرتيرة و كمال شال تلفونو ولحقها .

.في غرفة الأجتماع .كان في مدير الشركة : كمال الكتيابي

و نائبتو : تهاني خضر

و المدير التنفيذي ونائبه ..

والجهة التانيه كان مروان الباز .صاحب أكبر شركة سيارات في السودان إسمها (الباز) ( الباز هو لقب عائلة مروان والباز معناها :إسم طائر من الطيور الجارحه زي الصقر كده.

وكان معاهو نائبو ومديرو التنفيذي

يلا كمال بما انو مالك أكبر مصانع الغلال .كان مروان عاوز يستسمر معاهو ويشاركو ..

كمال : دي حتكون أكبر صفقة اتعملت حتى الآن..وأحلى حاجه انو ما حصل إتعاون الدقيق مع العربات هعهههههه ريتا والباز .

ريباز اسم الصفقة حيكون كده .وبغض النظر عن انو في حمض اسمو الريباز بس كان اسم جميل

مروان : اسم حلو انت عارف أجمل حاجة في دا انو حنلقى أجر ..لأنو الدقيق كلو حنص*رو سوريا..وزي ما انت عارف انو البلد فيها مشاكل حالياً

كمال : ايون صح..انا ما عارف يا مستر مروان انت حتستفيد شنو من الصفقة دي لكن ؟

مروان : امم صح..اناا ما حأستفيد شي مادي ..حأستفيد حسنات وزي ما انت عارف انو الوالد اتوفى ) لالا أضحك عك الله ( ..وأفضل الصدقات الوقف ..

كمال : ربنا يجعلو من أصحاب اليمين يا رب..

مروان : اللهم آمييين .نوقع الورق !

كمال : اووه أكيد

يلا

وبدو يوقعو الورق وظهرت على وش مروان إبتسامه باهته

) كمال ما عارف بي توقيعو دا بكون قضي على نفسسسسسو .)

مروان وهو بقوم : سيد كمال .لازم أستئذن

كمال : لالا والله ما بتمش.عازمك غدا في بيتي انت زاتك ما جيت شفت بتي .

مروان : آنسه حنين.. كيف هي هسع

طبعاً مروان شخصيه انا زاتي فله دي ما فاهماها ..بس دييمه مبتسم زول باااارد لدرجة قف تأمل..

يعني عادي تقول ليهو انو حد من أهلو مات يرد ليك كده : الله يرحمو

غموض ناتج عن طفوله #مشرده بس

كمال : حنين كويسه .( كمال ما حب يتطرق في تفاصيل حالة بتو الصحيه .) مروان عاداني بي بسمتو (

مروان : امم انا ما حأقدر ألبي دعوتك الليله ..بس بتمنى تقبل مني هدية صغيرونه بتمنى انها تنال أعجاب حنين..

وقول ليها عمو مروان بسلم عليك (عمو شنو يا زول هووي ! انت ثلالثيني اموت انا في ناس الثلاثينات )

كمال : هههه حلوة عمو دي ..طيب يا مستر مروان..مع انو ماف داعي تتعب نفسك وكده..

طبعاً دا كلو حاصل وتهاني ( حرم كمال المصون ) ما شالت عيونها عن مروان .وبتنظر ليهو بي نظرة مروان قدر يفسرها ..لأنو زول ماكر شديد ..تفتكرو دي نظرة شنو ؟( بري انا ما عارفه )

??#back

#حنين_تحكي

طبعاً وقفت مصدومه وفاتحة خشمي زي العويرة..السواق رجع بي ذاكرتي لي ورا تسعه شهور ( احم ذكروني بي حاجة بس )

السواق : جلال محمد ..بس

جوكر أفضل

قلت في نفسي : قبل كده سألتك ما رديت علي لو بتتذكر عديم الهارت والهيومنسيتي

أهلاً فيك سيد محمد.

) نظرة تحدي طبعاً)

جوكر : ههه جلال .عشان كده قلت ليك جوكر أحسن

حنين : اممممم ما فرقت .

جوكر : لا ..فرقت وكتير كمان.

حنين اكتفت بي إبتسامه بس

لأنو شكلو لايوق وما بحب يخسر ..ولو واصلو حيطقطقو الصفايح ويطلعو الفضايح

كمال : دي هديه من عمك مروان زي ما قال اقول ليك

وكمان السواق جابو ليك هو زول كلو ذوق و إحساس وربي

)كمال دا حاسه بيهو ظريف وطيبان مووش يا جماعه !!؟ولا انتو شايفين شنو )

طبعا ما عرفت ابوي قاصد شنو عشان كده عاينت ليهو بأستنكار : مروان ؟

كمال : يب مروان مروان الباز..وقعنا صفقة جديده حتهز الدنيا .المهم دي هديتو ليكي وبتمنى أنك تشكريهو بي أنك تتصلي عليهو

طبعاًاتغظت من الأسمو مروان ..لأنو ما لقى حد يهديني ليهو غير القال أسمو "جوكر" دا !

لالا موش انت شكرتو ؟

كمال : اي

وماما ؟

كمال: ايوا

امممم طيب ماف داعي انا زاتي أشكرو ويا ريت السواق يتفضل من غير مطرود لأنو انا ما محتاجه سواق ..

كمال عاوز يتكلم قاطعتو.: ولو احتجت حأوظف سواق براي

سيد محمد ..شكراًليك بس مستغنين عن خدماتك.

وهي ماشه وقفتها كلماتو :جوكر ناديني جوكر

امممم ما بتفرق لأنو أصلاً ما حنتلاقى تاني

(أصلا من الاقيك بتحصل لي مصيبة.. المرة الفاتت رصاصة المرة دي قنبلة عديل)

جوكر : اوك ..فرصه سعيده

)زكروني محادثات الواتساب لمن الطرفين يكونو ما بعرفو بعض وعندهم كبرياء )

. كمال فتح خشمو قدر الترعه ..مستغرب من بتو البقت تتكلم كمان..وقبل ما تدخل قال : جوكر ..العربيه سوقها معاك ..وان شاء الله لمن تكون الأنسه عايزه تطلع حتد*ك جرس ويا ريت الكلام القالتو ينتهي هنا وما يصل لي مستر مروان

جوكر : اوك.

حنين ما قدرت تعلق جوكر ركب العربيه وشتت ( التقول حقتو عديم الهارت والهيومنسيتي )

دخلت غرفتي وبديت أأف أف ( اووف اوف.. كده) ..امي جات : هبيبتي

صريت ليها وشي بس وما اتكلمت

هههههه عثل يا ناش كلبووظتي دي حلاتك لمن تزعلي

يا نبعو خليني في حالي عليك الله

لييه ياخ الزعل دا كلو !

لانو ابوي صغرني قدام الحيوان الأسمو بهلوان دا

امممممم بهلوان ولة جوكر

يا نبعو ما بتفررق يووخ

تهاني عاينت كدااا وقالت ليها : اسمعي .ابوك داخل صفقه خطيرة مع مروان دا .مروان زول غامض و عشان كده ابوك م عايز علاقتهم تتوتر

هه تتوتر بي سبب عربيه !

تهاني : يا هبيبتي انتي ما عارفه عالم الصفقات. .ممكن الواحد بي سبب تافهه يلغي الصفقه ويوقع الناس في مشاكل لاغنى عنها

طبعا غلبني الأقولو عشان كده قلت ليها خير.. بكرة صفقتهم ما تنجح يقولو حنين انا بعرفهم

❣❣❣

#رشا_تحكي

طارق : منو الفي الباب يا رشا ؟

المرة : يرشوك بي طلق يا يمه ووب علي

طارق : عمتي آمنه (نسيبتو طبعاً ..هسع عرفت انو نينه سموها على الفقريه الحشريه دي عديمة الهارت والهيومنسيتي )

آمنه: يعميك يا رب. عمى دباسة .دا شنو الأنا شايفاهو دا!

هنا سعاد جات خاشه : بسم الله .مالك يا آمنه !

آمنه :وانتي المرة العاقله كمان .كيف نفسكم سمحت ليكم انو واحده ما معروف أصلها من فصلها تقعد تربي في عيال بتي عفاف ( هسسع يا داب بقت بتها ! حكم )

سعاد : استهدي بالله يا آمنه.

آمنه هاجت وعلت صوتها : لالالا يا تطلع من البيت يا نشيل عيالنا (ختو خط تحت عيالنا) .بس نهائي عيال بتي ما يتربو مع الأشكال دي وعاينت ليها وهجمت عليها : بقى انتي يا قليلة التربيه ! كيف تعيشي مع راجل وانتي وهو ما متزوجين ولا بتربطكم اي علاقه !!!!

طارق وسعاد فكو رشا منها رشا كانت مذهولة و نينه بدت تبكي ..

طارق : رشا سوقي البنات وخشي جوه .

رشا شالت نينة ورهف دخلت معاها وقفلو باب الغرفه ..وتعالو شوفو برة المشاكل .ما تد*ك الدرب

صلو علي محمد .

العميد قاعد مع أبوي 7ساعات زي السسم ( 7 ساعات دي صيغة مبالغه سمح ؟)

عشان يقنعو.اني أنزل السنه الجايه

وانا مصرة انزل هسع..نهائي ما حأضيع زمني في الفارغه والمقدودة( قعدت البيت اللهيا فيها جبنات مع نبعي حناني امي وماما مريم.. المناقرة مع عمكم كمال.. الفيس الواتس وغيرها من وسائل التواصل الاجتماعي) .

فعلاً فاتوني بي مراحل لكن واثقه اني بقدر احصلهم..

العميد لان شوية وآخيراً وافق

العميد : اوك يا سيد كمال ..بس عشان معزتك عندنا كبيرة.. لكن والله انا ما مسؤل عن نتايجها ..

كمال : لالا انت ما تخاف حضرتك..وعاين لي وهو قالب وشو : هووي ي بت .سامعه كلامو صح ؟

اي اي ي ابوي ما تخاف حضرة العميد ما تخاف حأكر ليكم الدفعه

العميد بتمنى يا بتي

ابوي قال ليهو :طيب يا حضرة العميد بالنسبه للدراسه الفاتتها الفهم شنو ؟

العميد : حنعمل معالجه أكيد..نحن السمستر بتاعنا سته شهور..الجماعه ديل قربو يخلصو السمستر الأول .حنحاول نلحقها ليهم لأنو الأمتحانات على الأبواب

امممم طيب وانا بتابع معاكم حضرتك أول بأول

العميد طبق يدينو قدامو وقال : اممممم طيب..فيكي تباشري دراسة من الآن لو عايزة

بعد طلعنا ابوي قال لي : حنيني

عيون حنينك بابا

حلفتك انتبهي لي دراستك وخلي بالك من صحتك كويس ابوي ؟

حاضر ..من عنوني ديل

عثل ..يلا انا حأمش.

طيب. .تصل بالسلامه لكن يا بابا بالنسبه لي بهلوان دا الفهم شنو ؟

بهلوان !بهلوان منو كمان ؟

اقصصد جوكر اليوم أول ليهو يوم في الشغل وهو ولا فكر يجي

لأنو انا قلت ليهو وقت انتي تضربي ليهو انو يجي هو حيجي وقع ليك ؟

امممم سمح يا ابوي

عثل يلا جيبي فونك

ليشنو يا ابوي ؟

جيبيهو بس انتي مالك .

اديتو التلفون طبزو كداا ورجعو لي وقال : كتبت ليك رقمو ورسلت ليهو رساله عشان يعرف رقمك

) شاطر يا أبوي ما قصرت معاي والله

هسع يقول انا الجاريه وراهو لي يا ابوي ياخ

انتي عويرة وعمرك ما حتكبري وانا ما فاضي ليك و حسسك عينك تجي بي مواصلات ولة أمجاد حتكتم فيك فاهمه. وجامعتك دي شميها قدحة. أصلاً شبهك القعدة مع امهاتك ومعاكم الجبنة

طبعا دا ما وقت جدل والطلاب بدو ينتبهو لينا عشان كده مشيتو بس : حاضر يا بنكو

بنكو في عينك المهم انا ماشيواعملي حساب لي نفسك قولي سمح ؟

سمممممح يلا بايات

بعد ما ابوي مشي اتوجهت على قاعتي .الدكتور واقف يشرح ساااي والطلبه كلهم مالين

دقيت الباب بالراحه .

الدكتور : اهااا كملتي النوم؟

لالالالا ..نوم شنو كمانو.؟؟انا يا داب نزلت .ماهو انا قدمت من بدرري بس ما لقيت زمن نزلت والعميد قال لي انزل السنه الجايه وانا قلت ل...

قاطعني وراسو خلاص حيطق: خلاص خلاص كفايه وربي ما ناقص مبررات ادخلي عليك الله ارحميييني

رفعت كتفي مسستغربه ودخلت .الطلبه يعاينو سااي ولا أشتغلت بيهم الشغله

قاعده كده بس لاحظت في بت بتتلفت وبترجع راسها تنتبه للمحاضر

تاني تلتفت وتأشر لي وترجع راسها

طبعا المحاضر ملاحظ بس عمل نايم

لزوم : اديتك فرصه استقليها وانتبهي.بس البت ولاا اكتفت..انا الوش ما غريب علي ..بس حاولت انتبه للمحاضر.

كلامو ما مفهوم وكلو طلاسم وانا راسي صدع وطشيت شبكه

لالا انا قديت الشبكه زاتو واظن حصلت الاوزون

بعد شويه البت قالت بصوت همس : يا حنو

طبعا بيناتنا بينشين ( على قول طلبة الجامعه يعني كنبتين هعععع)

وابتسمت..شوفته فلجتها وصرخته لا إرادياً becky!

)طبعا دي صحبتي مي بتشبهه الفنانه القصيرونه العسوله الاسمها بيكي.لانو عندها فلجه انا يمكن لي اكتر من سنه وحاجه ما شفتها وما عارفه عنها اي حاجة ..من وقت امتحنت معاي وتاني ما اتلاقينا ).

طبعا الطلبه يعاينو لي ساي .الدكتور آشر بي أصبعو على الباب وقال بي هدوء جراح دماغ بريطاني : انتي ونيكي ميناج بره.

قومنا براحه وانا طلعه قلت ليهو : عفواً مننك ما نيكي ميناج..دي بيكي ..

الدكتور قرب ينجلط وقال بغضب : بررررة سرررعه

طلعنا بسرعه قبل ما يمطرنا بي وابل غضبو .

زفت الطين دا

❣❣❣

#رششا تحكي

رهف حبيبه.امسكي نينه.

رهف شالت نينه وهي بتمسح دموعها لأنو برة كان أصواتهم مرتفعه وحبوبتها هايجه وبتشاكل.

رشا الفترة القعدت فيها دي طارق اخد ليها شنطه ملابس كاامله

المهم رتبت ملابسها في الشنطه ورهف شغاله تقول : ماما رشا..انتي بتعملي في شنو ؟

ما تخافي حبيبه .ما حتقعدو براكم

هدي خالتك وحبوبتك ما حسيبوكم.

وستفت الشنطه( ياقول الأغنية :انا غايتو ستفت الشنط. ستفت الشنط. ستفتهاااا.)

وقتياً و لبست عبايتها..مسحت دموعها وباست رهف : حبيبة قلبي انتي.ما تخافي حأجيكم زيارة..بس لازم أمشي انا .

نينه مسكتها من طرحتها و بدت تبكي

رشا زاتها بكت بس اتمالكت نفسها

بي جاي آمنه تشاكل : اسمع هنا .وانا حالفه وما بصوم. .عيال بتي حأسوقهم اذا كان حيقعدو مع الزفت دي

طارق : يا عمتي عليك الله أهدي رشا بتحب نينه ورهف زي عيالها وأكتر وهدا اسألي خالتي سعاد عن أخلاقها وعفتها

سعاد : اي والله يا آمنه..والله بت زي الدواء انتي بس مات..

قطع كلامهم صوت باب الغرفه وهو بتفتح

كلهم انتبهو ولقو رشا جاره شنطتها.

رشا : اا ا انا اسفه بالجد عملت ليك مشاكل انت في غنى عنها

طارق قال ليها وهو مدنقر راسو و وشو غضبان واصبعو موجهو للغرفه ( ساعدوني واتخيلو شكلو بلييييييس )

رشا ارجعي جوه لو سمحتي!

رشا : لالا انا بمشي . طارق انا اسفه بالجد بس كلامهم صح

ماف شي بيربطني بيك .وكده غلط والله.

آمنه سكتت وبس كانت بتهز في رجولها والغضب ماليها..اما نهى كانت بتتابع الموقف بسكات..والولد المعاهم كذلك ( انا لمن نسيتهم زاتو)

وحصلت لحظة صمت قطعها صوت طارق : رشا..تتزوجيني ؟

#كتمت

مي شغاله ترغي وترغي وترغي ما ناوية تسكت شكلها كده

ما ادتني فررصه اقول حاجة زاتو .بس تتكلم زي مكنة الطباعه ..لمن زهجت منها

قلت ليها بهدوء جراح دماغ بريطاني: ميوشتي

مي سكتت مسسافه وضحكت : من متين انتي هااادئه كده يا بتي .والله حكم.

لالا حدك ..من يومي هادئه وكثارة

مي ضحكت كدااا ..لزوم استهتار وبتاع

قالت لي : عليييك الله خالتو تهاني الحوب كيف ؟ وعمو.كمال"!.وخالتك مريم ألحنينه وبتها وداد المنفسنه

كلهم كيف عليك الله ؟

شلت نفس عميييق واتنفست. .وحكيت ليها كيف ناس بيتنا. وعن أحوالهم ..وقت انتهيت. .مي اتن*دت بحزن وقالت : يعني وداد ما لقيتوها ؟ طيب هي اختفت كيف فجأه كده!؟

والله يا مي انا كل ما أسألهم ما بدوني جواب كافي..

مي : لالا وانتي كنتي وين وقت هي اختفت؟

كنت في المستشفى حبي انا

مي: مستشفى !؟

يب مستشفي

مي: وبتسوي شنو ف المستشفى ؟

طوالي حكيت ليها عن الحادث حقي بس ما جبت ليها سيرة عن الرصاصه..

مي : لا حولا ولا قوة الا بالله ! حنين ! دا كلو حصل معاك !

يب شفتي صحبتك بطلة كيف ؟ هيع جانسي هل هل بهاري الله أكبر

مي قعدت تدمع وتنتحب

يا بت مالك ؟ امي ما بكت كده يوم الحادث !

) وكأنها كانت حاضرة وقت الحادث..كأنها كانت حاضرة حالة أهلها .المفعوصه حنين ناسيه انها ليها شهر من وقت صحت من نومتها )

كيف ما أبكي بعد القلتي لي !

المجرم الضربك رصاص يا رب ينضرب بي لوووري شايل حطططب.وتجيهو صاعقه من حيث لا يحتسب تخلي ريحتو طير طير

هههههخ يا بت عيب .حرام عليك تدعي الراجل كده.

قلت كده وقمت من جمبها وانا بقول : يمكن عندو أطفال صغار .

والتفت عليها وغمزت عيني : موش كده يا ميوشتي

مي : وربي بس نفسي افهم دماغك دا فيهو شنو.

عمري كلو ما شفت لي بت حنييينه زي دااا

قلت في نفسي : فيهو رصاصه يا مي )

تاني ابتسمت وقلت ليها : يا بت ارح عرفيني على جامعتكم دي.انا ضيفه هسع يا حبي

مي قامت وهي متحمسسه..اوول ارح نمشو الكافتريا ..لأنو بيكي جوعانه وااايد

ضحكت وقلت ليها : مجنونه انتي يا ميوشتي.طيب ارح ..

طلبنا كرسبي و فطاير و شلنا معاهم علبتين رآني حبيبات

قعدنا في التربيزه وبدينا ناكل.

مي قالت وخشمها كلو آكل : ماف جامعه بتعمل كرسبي زي بتاع حمدون ( دا طباخ الكافتريا حقتهم طبعاً)

قرفانه انتي يا ميوش تمي اللفي خشمك أول ياخ .اها انتي مالك لا بتضربي تلفون ولا بتسألي يا عواليق يا زفت الطي.

مي : اج ج ج جاااا يا بت بالراحه علي مالك ! نسيبتك ولة حماتك انا !

لا دا لا دا ..لا انتي ولا انا عندنا أخوات بكر نفسنا وحتالة نفسنا.

مي : هععععع قولي الكلام دا عن نفسسسك جابو لي اوختش صغنونه..

لالا ياخ احلفي

مي : اقسسسم برب الأرض .جابو لي مآب .عمرها

5 شهور هسع..بحبها موت ياخ

لالا زيييتون. لمن أجيكم زيارة أشيلها يومين تلاته

مي : نجوم السماء أقرب ليك يا بيبي

اسسستكيني يا كبدتي..يلا وريني صورها .

مي مدت لي حنين التلفون ..تعالو نخلي حنين ومي ونمش نشوف جوكر بهبب في شنو.

في غرفة خافتت الأضاءة وكاتمه للصوت.

مافي شي واضح فيها غير صوت الرصاص..

عشرة طلقه زي السم طلعو من بندقية الكلاشنكوف الكانت في يد جو ( جو : اختصار لي جوكر ..عشان ما تنطو لي وتسألوني جو دا منو سمح )

وقف ضرب النار وطلع نضارتو..و سماعات الوقاية ..ابتسسم وهو بعاين للهدف الفي الجدار ..باب الغرفة اتفتح

ودخلت آخر شخصيه انا كنت متوقعاها..تتذكرو مروآن الباز؟؟ بسس ياهو زاتوو

مروآن : كلها كم شهر وتمتلك كل مخآذن ريتا للغلال..ما كده وبس..أملاك كمال الكتيابي وأسرتو كلهم حيكونو تحت تصرفك..هانت ياجو

تلفون جو ضرب .رده وبعد مسسافه قال : تمام

بعد قفل الخط أبتسم بمكر وقال : الأميرة عاوزه توصيله

مروآن ابتسم وقال : ما تخليها تنتظر كتير طيب

جو رجع لبس نضارتو و واقية الأذن وهو ببتسم وجهه المسدس ناحية الهدف وطلعت الرصاصه رقم حداشر ..استغرقت في راس صورة الهدف بين حواجبو

كانت صورة كمال محاطه بالعشرة رصاصات و الرصاصه الحداشر بين حواجبو

خطيييير يا جو

❣❣❣

#رشا تحكي:

آمنه وقفت مذهولة من السمعتو وقالت : شنو ! تتزوج منو يا طارق انت جنيت !

طارق ما اشتغل بي كلام آمنه وتاني أعاد السؤال وهو بعاين لي رشا.. الكانت متفاجأه من طلب طارق .ما اتوقعت نهائي يسألها السؤال دا.

طارق عارف انها حترفض عشان كده قال ليها وهو ماشي : رشا..تعالي عايزك دقيقه.

طبعا سعاد طلعت مشت شقتها..قالت الموضوع عائلي وكده.

آمنه كانت بتغلي غلي وقالت : يستحيل طارق يعرس البت المحتاله دي يستحييل .

نهى : من البدايه وقت اتقدم لي رفضتي هسع هدا اتحملي يا امي .

آمنه نهرتها وقالت : اسسكتي ! زفته ! اصلاً حظك نحس من يومك

نهى مدت بوذها وما اتكلمت معاها .

هنا يا داااب الولد المعاهم اتكلم :: بصراحه كده يا امي..

) Oooopsطلع ولدها

بصراحه كده لو طارق عرس البت .ما حتلقو حاجه من ميراث عفاف

آمنه : انا ما طالعه من البيت دا مالم طارق يعرس نهى

#منتهي

نهى قالت بسخريه : اااي ماهو هسع طلب يدي قدامك هنا

علييكم الله كفاية اهانات وخلونا نرجع البيت بي كرامتنااا

آمنه : انتي تسسسكتي خالص ! يا نادر سكت البت بالله..

نادر : نهى .عشاني اسكتي .عليييك الله

نهى سكتت وبي غضب وغيرة بقت تعاين على باب الغرفه الفيها رشا و طارق

طارق مسك يدين رشا وعاين ف عيونا : وافقي عشان خاطر رهف ونينه انتي شايفه نينه متعلقه بيكي كيف يا رشا

رشا قامت من جنبو بسرعه وهي بتتمتم : ب ب بس ا ا انت ع عارف انا ما متذكرة أهلي ولا اي حاجه من حياتي

انا افرض ارتبطت

بيك في حياتي وفجأه رجعت لي الذاكرة..يمكن أطلع مخطوبه او مرتبطه بي زول وحأسيبكم في النهايه

طارق : رشا ارجوووكي ..لو الذاكرة رجعت ليك انا ما عندي مشكله ترجعي لي أهلك.

عايني ..فعلآ قعدتك معاي في البيت حتجيب لينا شبهه وماف حد حيصدق انو انا وانتي ماف حاجه بيناتنا..يرضيكي انا وانتي نتحبس في قضية دعارة ؟؟( عافانا الله)

رشا هزت راسها بمعنى لالا

طارق واصل : انا بوعدك يا رشا ما أقرب عليك وبمجرد ما ذاكرتك ترجع انا طوالي حأطلقك

رشا سكتت مسسسسافه بعديها قالت ليهو : حاضر

طارق عيونو دمعت وقال ليها : شكرآ ليييك..ومسك يدها وطلعو..

آمنه كانت شايله نينه وبتقول ليها : ما اتذكرتيني ؟ انا حبوبة ما اتذكرتي حبوبتك؟

) عههعهه مسسسكينه والله ما اتذكرتها .ههععهه ( والبت تبكي قدرتها نهائي ما سكتت . آمنة تبوس فيها ساي صحي القرش( المال) بحنن قلب القرش(السمكة) اخترعتو برايا)

..من وقت جوهم رشا و طارق نينه سكتت واتملصت من حبوبتها ..وبي شويه خطوات فيها قومه وقعده .. وصلت لي رشا وهي بتقول ليها : م ما م ما

)ملاك وربي)