حنين

الفصل الثالث

طلعنا من المحاضرة حقت ال biochmistry

قلت لي ميوش: بعدين ما تنسي رقم الأميل بتاعي عشان تبعتي لي المحاضرات سمح ؟

مي وهي بتعاين لي ساعتها : حاضر الزمن فات الساعه 4:34 إتخيلي بس

تاني ابتسمت وهي بتعاين لي :حنين احبكج والله

يا بت مالك بتحبكجيني فجأه كده.

**مي دي عوايدها .فجأه بس تقول للزول هي بتحبو **

مي ::هههههه اي اااي طول عمرك قلبك ما بستحمل اللطف ..دايماً متعوده على القسوة والردحي...تشتت ناتج من طفوله مشرده.

هاهاها عامله فيها ظريفه موش ! زرافه تنطحك يا أستاذه مي

مي : اممممم وياك حنينه..

قلت ليها : بهلوان اتأخر ياخ .أرح نرجع النشاط .

مي : طيب ارح . لانو عمو قاسم ما جاني لي هسع انا زاتي

رجعنا اتونسنا كدا تلفوني ضرب لقيتو الغ*ي الاسمو جو : الو..سنة كامله حتى تجي !

سكت ساااي وما رده .عاينت لي شاشة التلفون قلت يمكن الإتصال قطع .بس لقيتو متصل .تاني قلت : أطرش انت ما سامع !

قال لي بهدوء جراح دماغ بريطاني : انا برة لمن حضرتك تفضي حتلقيني واقف وطق قفل الخط

شكلي بقى أسف جدآ

مي حست إنو احرجني عشان كده غيرت الموضوع : الأحوال الاقتصاديه اليومين ديل كيف

قلت ليها : بتسلم عليك يا أم فلجه يلا ارح نوصلك في طريقنا .

مي : لالا بستنى عمو قاسم انا

**طبعاً انا كنت عاوزه أعذبو بالمشاوير عشان كده أصريت على مي انو نوصلها **

طلعنا برة شفت العربيه الجابوها لي المفترض تكون حقتي حقتي انا حقتي انا دي ! والمغفل الكرور متحكر قدام بشرب سجاير كمانوو.

وقت شافنا قام نزل مي طوالي مسكتني .: يا بت هوي انتي السواق ولة هو ! دا جبتو من وين داا !

قلت ليها يا بت مالك !

مي : ملاك لابس بششششر في فريقنا تقول وقع القمر ..رومان رينز السوداني لالا هو صح يخلق من الشبهه 40 بس ما اتوقعت أشوف رقم 40 في السودان هنا !

**طبعاً مي دي أسفهوها بتاعت مبالغات في الثانوي عندنا أستاذ كده وسيم .البت حلفت قسم انو بقرب لي هريثيك روشان الهندي داك..هسع ما عارفاها صامت التلاته يوم ولة لأ المهم ما تشتغلو بيها **

طبعا قام رمي السجارة وعفصها وفتح لينا الباب انا ومي

مي قالت بصوت كلو رجفان : وااي انا النضارة كأنها خلقت لهوالسوالف يقولو للسلاحف أسرعو..و الدقن احييييي انا من الدقن والسمار.

انتي يا حنين الشي دا هجين صح ؟

قلت ليها وانا ضاغطة على أسناني : كلمة واحده زياده واوريك حنين النسخه الصينينه هسع يا بت بطلي إنبراشه واركبي خارجينا

مي : حاضر.. **رتي قلبي وطيرتي جبهتي .لكن الديتول دا يستاهل جبهتي تطير عشانووو احيي ياخ.

قلت

ليها : مييييييي!

مي : سمح سمح قفلتو والله

**دا كلو ونحن واقفيين .قام قال لينا بصوتو الخشن الفيهو بححححه : تاني راجييين زول ؟

مي : احيييينا صوت رجال الدنيا كلهم جمعوهم وطلعو التركيز كبوهو ليهو هو وبس

سكت خليتها ومشيت ركبت جات جاريه ركبت جمبي .

طوالي دور وقال : على وين ؟

مي ورتو هي ساكنه وين وطوالي اتحرك

انا قومت كحيت : كح كح كح دي شنو الريحه دي اوووف !

مي : مالك يا بت ! ريحة شنو

قلت ليها : نيكوتيييييين نيكوتين يا ميوش دا التدخين السسلبي من اكعب انواع التدخين.

طبعا عمكم فهم انا قاصده شنو قام فتح ملطف الجو واتجدد هواء العربيه .وطير لي جبهتي

وصلنا مي وقبل ما تنزل قالت : طيب ما تنزلي معاي ؟

انا الصراحه كنت عاوزه ارفض بس لمن سمعتو قال: لالا انا مسستعج..

قبل ما يتم عبارتو انا نزلت قبيل وقفلت باب السيارة #حقتي .

جو : يا دكتورة !

ولااا أشتغلت بيهو الشغله سمعتو قال اووف

قلت في نفسي تستاهل اي ودخلنا بيت ناس مي.

مي : اوقسسسسوم برب الأرض انتي شر ما خلق دا شنو يا بت الحقارة دي !

يا مي الزول دا سفييهه ودا أقل شي انا أعملو معاهو

مي : بس انتي قلتي أول يوم ليهو ! حرام عليك.

يا مي هو السبب في الأنا فيهو دا عليك الله اسكتي بس

مي وهي بتضغط على جرس الباب : كيف كيف ؟ تفسير يا عيني تفسير ما فاهمة شي انا والله

قلت ليها دا ما وقتو يا قلب.

الباب اتفتح ..كانت بت باين عليها حبشيه : اهلين ماي .همد الله ااا السلامه

( حاولو حاكوها ما تبشتنو لي الروايه بلييييس )

مي : اهلين نجمه دي صحبتي حنين

نجمه ؛ : نورت هنين كيف هالك ؟

قلت ليها : زينه

المهم ..دخلت معاها وسلمت على أمها وشلت مآب الصغنونه..عثل وربي

اتونسنا وأكلنا وكنت عاوزه انوم لو ما مي طردتني .

طلعت لقيتو واااقف وأصلاً المغرب قرب جاتني مكالمه من ماما وقفت اتكلمت مسافه وبعد قفلت مني واصلت اتكلم واصلاً ما كان في حد في الخط مي قلعت التلفون مني وساقتني من يدي وصلتني وقالت ليهو : معليش اعفي لي مسكناها جوه.

جو : ولا يهمك

.

وهو سايق كان ساكت ساااي طبعاً ركبت قدام معاهو.

اول شي بسحب في المناديل من علبة fine أكرفسها وارميها برة الشباك

لغاية العلبه فضت ولااا هبب لي .

فتح أغاني قمت قفلتها.

ما اشتغل بي.

لقيت خاتي جمب المناديل علبه كده..فتحتها لقيت كوتشينه **يا داب عرفت اسمو جوكر ليش

**

قمت شلتها ودفقتها برة بالشباك وقلت : العربيه دي #حقتي دي ما مكب نفايات فاهم!

ما علق .وقام زاد السسرعه و غير اتجاهو .طبعا قلعته عيوني قدر دااا وشغاله أقول ليهو : نقص السرعه ! جو نقص السرعه لو سمحت

بسس الكلب ينبح والقافله تسير

بديت أبكييي وغمضت عيوني

سمعت صوت ناس هاييييجه عاينت كان في زي اربعه عربات تويوتا ( دبل قبينه) حقت مناطق عمليات شايله جنود بكوركو ورافعين أسلحتهم بس فجأه واحد بدا يطلق نار طوالي اتذكرت الأحداث المريت بيها ومع صوت الرصاص دخلت في حاله هستيرية .وبس بديت أصرخ زي المجنونه

❣

#رشا تحكي

طارق : عمتي .انا ورشا حنتزوج على سنة الله ورسوله

المرة قلعت عيونها قدر دا وقالت : شنو !

طارق قال بهدوء جراح دماغ بريطاني : زي ما سمعتي

نهى أصلاً ما اتفاجأت وبدت تصلح شنطتها على أساس يمشو وكده.

آمنه : لالالا والله عيال بتي ما بتربيهم الكلبه الواطيه الما معروف جايه من وين دي !

طارق غضب منها بس اتماسك : عمتي انا للآن محترمك لأنك قبل ما تكوني مرت ابوها لي عفاف المرحومه انتي اكبر مني ..ماف داعي تطعنيها في عرضها وانتي أصلاً ما بتعرفيها .

**رشا في اللحظه دي عضت على شفايفها ودموعها جرت..ما عشان آمنه أهانتها وكده ولا عشان طارق دافع عنها..عشان هي عارفه حقيقتها شنو..داسه شنو انتي يا رشا ! **

آمنه : يا ولدي..موش انت كان أتقدمت لي نهى !؟ طيب انا موافقه..الفترة د*ك انا رفضت لأنو أصلاً شفتها عيب كونو انو بت تعرس راجل اختها المتوفيه ..بس كنت جاهله ويا داب عرفت انو جائز..

طارق ضحك كداا

**وليهو حق يضحك..هي قايلاهو ولدوهو كبير ولة شنو !!!

طارق : خلاص يا عمتي انا اخترت وانتي شايفه بناتي متعلقين بي رشا كيف..

خليك مطمنه..رشا حتشيلهم في عيونهااا

طبعا آمنه ما قدرت تعبر خنقتها العبرة وقالت : يا ولدي انت صغير وعادي ممكن يضحكو عليك..طوالي عاينت لي رشا و واصلت : وخت عبارة العرق دساس دي

نهى : يا امي .طارق اختار..وانا زاتي ما موافقه حتى لو وافق .يلا ارح نمششش.

طارق : لالالا والله لازم تفطرو معانا .

عاين لي رشا : رشا عامله لينا شنو للفطور ؟؟

ردت ليهم بعد ابتلعت ريقها بصعوبه : عامله عصيده بي ملاح روب..

آمنه قامت وهي بتقول : بالهناء والشفاء..ما قاعده آكل روب.. بعدين ما تنسى تعزمنا العرس..يلا يا عيال ارحكم..

بعد طلعت البيت زال منو التكهرب..وسادت لحظة صمممت قطعها صوت طارق وهو بقول : جوووعان انا ختي لينا الفطور يا رشا

الخمسه عربات مرو بي جمبنا وكانو بضربو رصاص الصوت كان عالي شديد وانا دخلت في حاله وطوالي بديت أصرخ وأرفس بي رجولي وجاتني تشنجات..وكل المريت بيهو قبل 9 شهور بقى بجيني كأنو شريط سنمائي رخيص.كنت شايفه الرجال ديلك بضحكو ضحكة شريرة وماسكين مسدسات و بضربوني بيها رصاص وما خلو في جسمي مكان وبقيت زي الغربال

سامعه جو كان بنادي فيني بس صوتو حسيتووو بعييييييد شديد الحاله المسافه بيناتنا كلها 10سنتمتر ..

وانا بتلوى وبضرب برجولي في العربيه ومع أصوات الطلق حسيت بي نفسي كأني في مناطق عمليات.

فجأه جو قام حضني عليهو كنت بضربو وبرفس فيهو بس ما اتخلى عني زي ما حصل قبل9 شهور.. قال لي : هوووس انا معاك وما حأسيبك ما تخافي..وبدا يمسح على راسي .لغاية استكنت وهديت وهو ما زال حاضني .

بعد ما المكان هدأ ..انتبهت ليهو .

زحيت منو سريع واعتدلت في جلستي..قلت ليهو بعد مسحت دموعي : رجعني البيت لو سمحت

ما اتكلم وطوالي دور العربيه واتحركنا..

طبعا جاني صداع فظيع ..انا راسي حسيت بيهو كأنو حيتفجر ..وبديت اعرق وارجف في نفس الوقت .ونفسي كتم.

قلت ليهو : افتح التكيييف

جو : التكييف مفتوح خير مسخنه ؟

هزيت راسي بمعنى ااي.قام فتح شباك العربيه ..وانا ارجف سااي

جو : نمشو المستشفى ؟

لالا ما ضروري بس وديني البيت

جو : بس ما شايفه حالتك ؟

عاينت ليهو بأستغراب ومعالم الآلم ظاهرة في وشي : على اساس بتهتم يعني ؟؟ انا قبل 9 شهور وقت طلبت منك تساعدني لأني كنت بت وضايعه وبراي عملت شنو!

طبعا سكت وما رده ليروانا كرهتي انو زول يطنشني .ياخ يقتلوني ولا يطنشوني

شلت شنطتي فتحتها عشان اشيل حبوبي لقيت اللعبه طلعتها .ما كان في مويه عشان كده قلت ليه : وقفني عند أقرب بقاله

بعد مسافه وقف عاوزه انزل قال لي : عايزه شنو أجيبو ليك ؟

حمرت ليهو وما اتكلمت معاو ونزلت .

نزل معاي طوالي.. وقعد يقول لي أرجعي العربيه وانا حأجيب ليك انتي عاوزه شنو بس ؟

بس مقولة : الكلب ينبح والقافله تسير .

دخلت البقاله وشلت لي قارورة مويه وهو واقف بحمر لي ساااي ولا أشتغلت بيهو

شلت المويه وحاسبتو وطلعت وما عارفه انا ماشه وين..بقيت اشوف طشاش طشاش ..لكن فجأه شفت الأرض بتقترب

يب يب وقعت .بس جو لحقني ومسكني و وصلني العربيه #حقتي

بديت ابكي تاني. .م عارفه القعد يحصل لي دا من شنو !!! راسي لافي ومصدعه وما شايفه تمام.

جو : حأود*ك المستشفى ونتصل على أهلك كويس ؟

انا طبعا بكرهه المستشفيات ياخ ..لانو طولت فيها عشان كده قلت ليهو : لالا بس وديني البييت عايزة أمي

جو : وانتي هسي بتبكي مالك ! زول كبير يقعد يتباكى زي الشفع !! لاحظي انك بتقري في الجامعه ما في الروضه

**وقت شاكلني ونهرني طوالي ولا كضبت زدت البكا ..قام أستغفر طوالي وقال : انا الغلطان القاعد اتكلم مع الشفع ما انتي

واااي لكن غياظ بشكل.كيف يقول انا شافعه

بلعت الحبوب بي الله ويامين قال لي كلها ربع ساعه ونصل البيت..

عاين لي بأستغراب طبعا أستغربته مالو بعاين لي ..قام دخل يدو في علبة fine لقاها فاضيه ..قال : اوووف منك ..انفك بنزف وانتي كملتي المناديل كلها يا شاطرة يا شافعه..

ختيت يدي في انفي وفعلا كنت برعف تاني بديت ابكي .قام ركن العربيه #حقتي

وطلع منديل قماش من جيبو ومسح لي دموعي ويديني وقال لي : أضغطي بيهو انفك وخلي راسك مرفوع..هبش راسي ولقاهو سخن قال لي : اعملي القلتو ليك سريع .

نفذت كلامو بدون ما أتكلم ..وتاني دور العربيه #حقتي اااي #حقتي واتحركنا..

مرت لحظات صمت طويله قطعها صوتو وهو بقول : وصلنا خلاص

نزلت بي تثاقل قام قال لي اساعدك ؟

قلت ليهو مشكور...ما محتاجه مساعدة حد بالذات انت..وعلى فكرة

لو ما بابا أصر انك انت تكون سواقي ما كنت سمحت ليك تمسك #الدر**ون بتاع #عربيتي

بس الله غالب.

طبعا قام ضحك.اتخيلو معاي

ضحك ؟

لكن كانت أحلى ضحكه..فعلا كلام مي صح..دا ما موقعو..الزول دا ما المفترض يكون سواق ! لالا شأنو أكبر من كده

بدا يجيني احساس انا طوالي قمت طردت الأحساس دا...بس بديت أقتنع اني محظوظه بالسواق دا

بعد ما أستناني دخلت قام اتحرك. جنتل وكده وبتاع

طبعا أمي شغلتها لي وكده والحمد لله لقيت ابوي ماف

مشيت لي ماما مريم سلمت عليها ودخلت غرفتي..اتحمممت واتوضيت صليت المغرب والعشاء سوا .ورقدت نوممممممته قلت يمكن الصداع يروح..

جو كان وصل الشقه بتاعتو ركن العربيه #حقت_حنين اي حقتها ..وصتني أقول كده في المقطع اللهي م قاعده تحكيهو ونزل

دخل الحمام وفتح الدش شعرو اتفكه ونذل ليهو في كتفو بقي زي رومان وقت يعرق

خته يديهو في وشو واتذكر حنين

اتذكر وقت كانت بتبكي في حضنو و وقت وقعت وجرا لحقها ..و وقت رعفت كيف أهتمه بيها كأنها طفلتو الصغيرة..عاين للمرايا القدامو وبدأ يبتسم بدون ما يحس..

لكن فجأه قال لي روحو : لالالا يا جوكر..دي بت كمال..اوعه يا جوكر اوعه .. و ضرب المرايا بكل قوتو لغاية الدم أتناثر في الحمام .

❣❣❣

#رشا تحكي

بي جاي طارق ورشا حددو انو العرس بعد اسبوعين

سعاد ساقت رشا معاها البيت قالت تحبسها وكده

نينه ساقتها معاها بس رهف كانت قاعده في البيت .بتقيل معاهم ووقت ابوها يجي بتمشي البيت.

الساعه كانت 11:34 مساء دقيقه.رشا شربت نينه الحليب ونومتها.

كانت راقده وبتعاين في السقف.

قالت لي نفسها : هسع طارق لو عرف حكايتي ولو عرف انا كذبته عليهو أكيد حيتهمني بالأحتيال و حيحرمني من نينه ورهف والله بحب البتين ديل وبقو كل حياتي

لكن انا الشي المريت بيهو ما عندي ذنب لانو حصل غصب عني انظلمت كتييير انا

يا رب أنصرني يا رب

طبعا كلكم مسطحين ..هههه ما مشكله..كل حاجه حتوضح بعد دا ما تخافو !؟))

شالت طرحتها عشان تمشي تجيب مويه من المطبخ..طبعاً سعاد عندها بت متزوجه واحده في تركيا..وعندها ولد بقرا أظن برضو برة..

لكن حالياً ساكنه براها هي وراجلها عم محسن.

مشت المطبخ وكان مضلم ما حبت تفتح النور عشان كده مشت في الضلام بس اصطدمت بي زول

صرخت طوالي وقالت : ح ح حراااميي

سعاد وعم محسن جو جارييين وفتحو النور..وقالو كلهم بصوت واحد : علاء !.

فتحت عيوني #ببطء ..كن أشوف ليك زول بعاين لي سااي..

اتخلعت وقمت سريع سريع لقيتو دا بنك الثواب ( أبوي الحوب)

قال :احم احم صحيتي !؟

قلت ليهو : لالا بس قدمت طلب استيغاظ وراجيه النتيجه

أبوي : يا بت هوووي احسن ليكي احترمي نفسك .! التقول صاحبها غايتو عيال الزمن ديل

قلت ليهو : بهظر بهظر يا نور عيوني

قال لي طيب .امس اليوم كان كيف ؟ امك قالت لي لقيتي بت عبد الوهاب هناك.

اي اي يا بابا .لقيت مي

قال لي كويس والله يلا قومي أجهزي عشان ما تتأخري ..نحن مستنينك عشان نشربو الشاي سوا

قلت ليهو حاضر

بعد مشى ..لاحظت انو الصداع فااات رووووح لالالالا (الجيلاني الحوب)

مشيت اتحمممت واتسوكت واتوضيت .

صليت الصبح وطلعت لبستي

الكانت عبارة عن أسكيرت أ**د وبدله سودااء ..وطرحه جوافية

اتمكيجت شويه ولبست نضاراتي الحووب ونزلت

ماما قالت : عجيييييبه لكن.البدله عامله شغل

ابوي قال لي اتحصنتي يا قمرنا ؟

ماما مريم قالت : ربنا يحفظك يا رب

كلهم قالو آمييييين..وانا يا داب قادرة أمسك راسي عشان ما يقع كبرو لي راسي ياقول السودانيين

قعدنا شربنا الشاي ..سمعت صوت بوري لمن اتشرقت ..قلت بي غضب : اهااا..انا شافعه يعني لمن يضرب لي بوري

قعدو يضحكو وما علقو.

قومت وشلت شنطتي وطلعت لقيتو واقف.

لكن واي كن شفتوهو. .عامل كيف

لابس بدله سوداء زي حقتي .وبنطلون جينز ازرق

ونضارة رايبان سوداء وماسك شعرو لي ورا بي بانده أظنو ولة لستكه ما عارفه المهم ماسكو ورافعو فوووق .بس ما عاملو ضنب حصان .دقنو خفييييف والسوالف عجييييبه .اما حواجبو التقول شايلنهم ليهو كنت جايه اشاكلو من الصباح لكن فصلته

قلت في نفسي هسع مي كن شافتو اكيد حتتصدم من المنظر

قال احم احم

انتبهت اني واقفه وببحلق فيهو .

احيييييينا من الأحراج

فتح لي باب العربيه #حقتي .الورا..

وانا ما بحب أركب ورا ولا أشتغلت بيهو وفتحت الباب القدام.جمبه حضرة جنابو

اتفرس مني فرسة الجن قفل الباب وجا ركب.

انا ركبته سماعاتي وشغلت قرآن القارئ مشاري العفاسي سورة القصص كانت واستكنت وقفلت عيوني

في البيت امي وابوي وماما مريم كانو قاعدين.

امي طبعا ما بتريد ماما مريم ما عارفه ليش..الحاله مريم مرة طيبه وما بتدخل في شئونهم نهائي..وكانت بتخاف من أبوي موووت

بعد ما طلعته هي طوالي قامت مشت غرفتها.

تهاني : انا ما عارفه لشنو انت خالي المجنونه دي معانا ف البيت لي هسع

كمال : لالا سؤال.اوديها وين قولي لي ؟

تهاني : اوووف!

ختها لي هنا في راسي يا كمال .وديها أقرب دار عجزه !..اجي يا اخواني

كمال : يا حبيبتي ما تنسي انو العيشه العايشنها دي بي سببها. .بعدين هي ما كبيرة عشان اجدعها هناك

نهاني ؛ هوي يا كمال .سببها كيف يعني ! الشغل دا الكبرو منو قول لي !

يا تهاني اي معاك انو انا وانتي الكبرنا الشركه ..بس كمان ما تنسي انو هي حقتها ..والورق دا اصلاً كلو مزور..

المششكله انو وداد محل غطست ما عارف حاسي انها تحت اي لحظه حتظهر وتبهدلنا في المحاكم.

معاها مستندات حتغطس حجرنا وتودينا ورا الشمس

تهاني : ماهو كلو منك انت ! قدر ما حذرتك انو البت الأسمها وداد بتدعي البراءه بس انت ما اشتغلت بي كلامي هسي يا كمال خم وصر .وانتظر خطر الأوذون المترقبك كل لحظه دا

كمال: يعني انتي قاصده انو انا سبب المشاكل دي !

طيب الهدد البت منو ورسل وراها ناس عشان يقتلوها هي والغ*ي الساعدها داك !

بي السبب دا بتنا قربت تموت..ولي هسع في خطر في حياتها.. بالسبب دا !

تهاني : طيب بتك لمن تعرف حقيقة أهلها موقفها حيكون شنو تفتكر !؟

طبعا اللقطة دي فاتت من دماغو نهائي

تهاني :يا كمال اقفل الموضوع دا هسع .

ويا ريت تخلي كل مشاغلك وتنتبه للصفقه الحتقوم بيها الشركه .

كمال هزة راسو بمعنى حاضر .

انا ماشه أجهز..نتلاقي في الشركه

بعد طلعت فوق .كمال خته يدينو في راسو وبدا يحسب كل كلمه قالتها تهاني بالحرف الواحد.

بعد مساااافه كده العربيه وقفت..طلعت السماعات وقلت ليهو وصلنا !

اتخيلو قال لي شنو بس

قال : ع اساس حضرة جنابك بتقري في الظلط.

ولاااا رديت ليهو وركبت سماعاتي وانا بستغفر .

بعد شويه حسيت بي طرق خفيف في قزاز العربيه.

فتحت عيوني شوفته ولد صغير كده ..عمر 14 سنه كده..ابتسمت ليهو بس فجأه شوفت جوكر واقف جمبو ما عارفه مرق متين بس أظن طار بي فوق #عربيتي

م اتوقعت الحيحصل بس اتخيلو معاي الحصصصل

مسكو قبقبو من قميصو زي مسكت الولد الشاغلني زمان داك لو بتتذكروهو

واداهو كف

انا قلبي حسيتو وقف!! فتحت باب العربيه ونزلت بسرعه لقيتو بقول ليهو : انا موش قلت ليك تزح من العربيه ! ما بتسمع الكلام لشنو ! ما عارف انو انا جني جن عدم سمع الكلام!

والولد يبكي ويترجا فيهو انو يخليهو..طبعا رمى ليهو كرتونة المناديل في الارض وحاجاتو كولها أدفقت وقروشو اتششتت في الظلط

تاني رفع يدو عاوز يكفتو بس مسكتها ليو واي انا حسيت بي يدي حتنقلع من قوة يدو

مرو دقايق من الصمت هو كان مبحلق فيني من جوه النضارة ..

ما كنت عارفه نوع نظراتو لانو عيونو ما شوفتهم بس الظاهر من ملامح وشو انو غضبان

قلت ليهو بي ببرود جراح دماغ بريطاني : جوكر..سيب الولد في حالو !

بعد ما حمر لي وحمر لي الولد

قام نفض يدو مني ورجع ركب #عربيتي.

طبعا الناس كانو بعاينو ساي والاستوب فتح وتاني قفل .ودا الشي الغضب جو زياده .

الولد طبعا ببكي ساااي بأعلى صوتو

قطع لي #نياط_قلبي

قلت ليهو معلييييش حقك علي

.عاين لي وم رده بس شال كرتونتو وبدا يلقط في حاجاتو الأتشتت في الظلط

**بالله واقفين في الظلط التقول حق أبونا

قمت بديت اللقط معاهو واخت في الكرتونه في حلاوة كده حقت البيضه البقولوها ديك.الجواها فول سوداني كانت الحلاوة في علبه بس نص العلبه ادفق. بديت القط في الحلاوة فاجأني صوتو و هو بقول : هوي.النص الأدفق دا شماهو الشيطان خليهو

قلت ليهو طوالي : طيب القروش زاتها شماها الشيطان..خليها طيب

الولد ضحك كدا..طبعا قلبي يا داب أشتغل من ساعة وقف قبيل وللبسألو كنت عايشة كيف.. عايشة بكبدتي ..

قال لي : يا اختي ( لاحظو للتعبير لاحظو بس..بالرغم من العملو سواقي الا انو بحترمني وقال لي يا اختي .)

قال يا اختي لو نحن قلنا نخلي القروش البتقع وما نشيلا ما حنعيش.

قلت ليهو صح والله.على العموم بعتذر من الزول الجوه دا ..دا سواقي وقبيل الصباح مرتو طردتو

طبعا كذبت عشان الود ما يزعل وكده .

قلت ليهو وانا بضحك : عاين ليهو مسكين كيف واشرته ع العربيه

جوكر جوه غلي غلية لمن بدا يحرق..

وشايفنا انا والولد نآشر عليهو ونضحك لغاية ضرب لي بوري

طبعا نسيت اني ماشه الجامعه .قلت للولد : هوي انا الليله بطردوني من المحاضرة زي السواق

يلا انا حأمش .بس عايزه حلاوة بيض و مناديل

طوالي اداني المناديل والحلاوة شلتها كلها.اديتو خمسين صمه عشان ما يلقى فكه وواخليها ليهو لزوم تعويض وكده.لانو عارفه الزي ديل ما برضو انو حد يشفق عليهم. بسبب عزة النفس

اتخيلو قال لي شنو ؟

❣

#رشا_تحكي

علاء : اهلآ وسهلآ نورتو

**طبعآ بدا يلخبط في كلامو ومحرج شديد وهو بعاين لي رشا الكانت محرجه وبتحاول تصلح طرحتها **

عم محسن : نورته انت ما نحن.ما ملاحظ انك انت الضيف ؟حمد الله على السلامه يا ولدي

علاء : هههاي اي صح الله يسلمك ابوي.

**وتاني عاين لي رشا عينك بالقد **

سعاد حضنت ولدها وهي بتقول : حمد الله على السلامه يا ولدي ولشنو ما كلمتنا انك جاي؟

في اللحظه دي نينه صحت من الكواريك وبدت تبكيييي .

رشا جرت ليها ..

علاء قلع عيونو وما فاهم شي .واستغرب من صوت البكاء حق الطفله يعني يغيب من بيتهم كم شهر وخلى امو وابوهو بس يتفاجأ بالبت دي وكمان صوت طفلة

قال في روحو.: راحت عليك طلعت متزوجه وبي بتها كمان يا اب وش نحس

والباب زاتو دقه..عم محسن مشى لقاهو طارق ..

طارق : يا جماعه في شنو خير !

عم محسن : ههههه دا علاء جا ورشا اتخلعت.ما تخاف ماف حاجه

طارق : حمد الله على سلامتو طيب ناديها يجو ينومو في البيت

محسن : يا ولدي استهدى بالله مافي حاجه..امش نوم والصباح نتكلم.

طارق ما كان راضي بس محسن أصر انو يخليهم عشان كده مشى وهو مغبون.

اصلو ما كان مطمن لانو ما بحب علاء نهائي

بعد ما طارق مشى كل زول رجع سريرو

رشا نومت نينه

شويه كده تلفونها ضرب لقتو طارق

بعد اتطمن عليها قال ليها تقفل بابها كويس ومن بكرة ترجع الشقه.

قالت ليهو نتفاهم الصباح..وقفلت منو ونامت وسعاد ومحسن زاتهم نامو .

الوحيد الما نام علاء قاعد في الضلام زي الشيطان في غرفتو .ة.وكان بفكر في الملاك القاعد في بيتهم دا منو..و قصتو شنو.يا ربي تكون مرت طارق واتشاكلو؟

تاني قام قعد في السرير وهو بقول : متزوجه ولة عزباء ..ان شاء الله يكون عندها 1000طفل

عجبتني وخلاص قفلت عليها.. قفل واحتفل ..

تاني رقد في السرير وقال :لكن وشها ما غريب علي

تاني قام وقال :

لكن اياً كانت المزه دي

حتكون حقتي يعني حتكون حقتي بلا طارق بلا زفت

#منتهي

التقول ناقصنا واحد زي #علاء_الزفت

الصباااح طارق ضرب لي رشا وقال ليها تجيي سرييييع.

قامت لبست توبها وشالت نينه الكانت نايمه

اهل البيت كانو نايمين لسع ما صحو عشان كده طلعت بدون م تكلمهم.

طبعا لقت طارق وااااقف جمب الباب وغضباااان..

ما اتكلمت معاهو بس مشت ودت نينه جوه الغرفه عشان تكمل نومتها..

وطلعت مشت المطبخ جهزت الشاي .

رهف جات لابسه وجاهزه .قعدو شربو الشاي واي زول ماسك خشمو عليهو

بعد تمو الشاي قامت جابت لي رهف فطورها وباستها: خلي بالك من نفسك هوفتي

رهف : حاضر

طارق : يلا ارح اقدمك الترحيل عشان ما تتأخري .

بعد طلعو رشا لمت العده عشان تغسلها .

كانت عاوزه تخلص بدري بدري عشان ترجع بيت سعاد وكده..

بس طارق كان عندو فهم تاني ياربي شنو؟

..