HINDI naman ako nahirapang hanapin ang poolside. Siguradong nanginig ang mga tao sa kitchen pagdating ng Boss nila dahil may mga pagkain na sa lamesa namin nang ako’y dumating. Apatan ang lamesa at puno na ito ng pagkain. Tinitingnan ko pa lang ang sunny side up eggs katabi ng bacon strips na nakahilera sa platito, ham na nakabilot at nakaayos na parang bulaklak, hotdog na mas mataba pa sa dalawang daliri ko, at creamy corn soup, maliit na basket ng iba’t ibang klase ng tinapay, jams at spreads, isang platong may iba’t-ibang klase ng keso, tig-isang platong fried rice at plain rice ay natatakam na ‘ko.
“Kung ganyan ka tumingin sa pagkain, hindi na ‘ko magtataka kung bakit ang lakas mong kumain,” nakangisi na naman niyang pagpansin sa'kin.
“Ang daming pagkain! Gutom ka ba mas
