HINDI ALAM NI ROCCO ang ugat ng problema sa Melenyo dahil hindi ibinigay ng Orakulo ang buong detalye sa kanya pero sigurado siya na may mas malalim pang dahilan. Hindi lamang tungkol sa pagiging sundalo at alipin ng mga susunod na henerasyon. Ang mga ganitong kalakaran ay normal nang nangyayari sa mga lugar na may kaharian. Kahit sa mundo ng mga tao, nang dumating ang mananakop ay naganap din. Kapag may nasakop na bayan o mahirap na lugar, kinikuha ng kaharian ang mga taong may kakayahan sa paggawa upang magsilbi sa kanila. Sa oras naman na tumaliwas, tatawagin silang rebelde o traydor. Maaari din silang patawan ng mas mabigat pang parusa katulad ng garote.
Dati raw na magkasama ang babae’t lalake sa Melenyo. Normal na ang mga lalaki ang tagaprotekta dahil sila ang may kapangyarihan ngun
