KATULAD NG DAHILAN kung bakit sila naroon, inayos kaagad nila ang mga pangangailangan ng kanilang mga tauhan. Ang mga may kailangan naman ng paunang-lunas, ibinigay din nila kaagad.
Sumunod namang pinagtuunan ni Rocco ng pansin ang mga tauhang nagbabantay sa kanilang bawat hideout. Sinabi niya sa mga ito na maging vigilante at maging mapagmatyag. Hindi basta-basta ang kanilang kalaban. Matatalino ang mga ito kaya kahit siya hanggang ngayon ay hindi pa rin matunugan kung ano nga ba ang kanilang pagkakakilanlan. Naibilin niya rin sa mga ito na wala munang gagawin ng hindi nakakarating sa kanya. Walang alam ang kanilang organisasyon sa totoong nangyayari ngayon. Hindi niya naman maaaring sabihin ang totoo dahil alam niyang walang maniniwala sa kanya. Ipinagbigay-alam din sa kanya ni Levin n
