Naalala ko ang pinag-usapan namin ni Thea nang nasa mall kaming dalawa.
Nagpunta kaming dalawa ni Thea sa mall para bumili ng groceries para sa apartment na titirhan niya.
"Naririnig kong nasa iisa kayong bahay nakatira ni Jia, hindi ka ba naiilang?" tanong niya sa akin napatingin ako sa kanya.
"Hindi naman, kasama naman namin sa bahay ang kapatid niya," aniko kaagad sa kanya.
"May kapatid pala si Jia, ilan silang magkapatid?" tanong niya sa akin habang naglalakad kaming dalawa.
"Dalawa silang weirdo sa simula pero, kapag nakilala mo sila mag-iiba ang pakikitungo mo sa kanila," aniko sa kanya totoo naman kasi.
"Kaya siguro naging kaibigan mo sila noh!" aniya sa akin.
"Siguro," sambit ko sa kanya at ngumiti.
Nang makabili na kaming dalawa ng pang-groceries pumila na kami sa cashier
