CHAPTER 10
First Kiss
Halos hindi ko magawang mag-angat ng tingin habang binabaybay ko ang daan patungong parking lot. Hindi ko matingnang mabuti ang dinadaanan ko dahil takot akong makakita't makarinig ng mga sitsit sa aking paligid. Batid kong nakasunod lang sa aking likuran si Zig, tahimik lang ito.
Ramdam ko naman ang mga nag-aalab na mga tingin sa akin ng mga taong nakakasalubong namin sa pasilyo. Kailangan ko nang magmadali't baka umabot na naman 'to sa classroom namin. Hindi ako sanay na maging tampulan ng mga usap-usapan, lalo pa't masasama lang ang nasasabi ng ilan.
I startled when I felt a massive upper limb dragged my shoulder. Kahit papaano'y naging pamilyar na rin sa akin ang mahayap na amoy ng perfume ni Zig at ang natural na kabanguhan ng sariling katawan nito kaya alam
