"Nakakainis ka, Dos! Nakakainis ka!" impit na sigaw ni Georgina.
Muli niyang inihampas ang unan sa pinto. At kalaunan ay tumigil na rin siya dahil sa pagod.
Pasalampak s'yang umupo sa ibabaw ng kama at ikinuyom niya ang dalawang kamay dahil sa nararamdamang inis kay Dos.
Huminga siya nang malalim. Tumayo siya at sinilip ang kinaroroonan ng lalaki.
Mag-isa na itong umiinom. Kaya, binuksan niya ang pinto dahil kakausapin niya si Dos at paalalahanan ito na huwag itong magkakamaling magbanggit ng tungkol sa kanilang dalawa kay Don Miguelito.
Upang makasiguro ay tiningnan niyang mabuti kung mag-isa na nga ang lalaki.
Wala na nga ang matandang biyenan niya roon kaya nagpasya na s'yang bumaba.
Subalit, hindi pa man din siya nakalalapit kay Dos ay nagsalita na ito.
"Why did you co
