Abot tenga ang ngiti ko nang napipilitan na inaabot sa akin ni Kareem ang isang bag ng baryang ginto. Pakiramdam ko ay para akong masamang tao na naghuthot ng malaking pera mula sa boss ng mga mersenaryo. Kahit ang mga mersenaryo na matagal na nagpapakahirap sa trabahong ito ay hindi matanggap na nalamangan sila ng isang babae lang.
"Teka! Sabihin mo muna kung paano ka nakakuha ng ganitong karaming kristal?!" pagpigil ni Kareem na maiabot sa akin ang bayad, "Hindi mo naman ninakaw ito sa ibang mersenaryo di ba?"
Sinamaan ko siya ng tingin bago mabilis na inagaw sa kanyang kamay ang bag ng gintong barya. Mahirap na baka gumawa pa siya ng ibang dahilan para hindi maibigay iyon.
Kita naman ang labis na pagkalugi sa mukha ni Kareem dahil hindi na niya hawak ang bag na iyon.
"T-Tingin k-ko
