Sa malakas na pagtutol na iyon ni Count Bardoz at sa ginawa pa niyang pagsuporta sa sinabi ni Leya ay biglang natahimik muli ang buong silid. Hindi nila alam kung bakit ganoon na lang katindi ang pagharang ng kanilang count na kontakin ang pangalawang prinsesa. Tiwalang tiwala rin ito sa sinasabi ni Leya na isang lamia ang itim na kristal na iyon.
Para tuloy ayaw na ayaw niya na magtungo o makaapak sa kanilang bayan si Prinsesa Aubriella na siyang labis na kataka taka. Si Prinsesa Aubriella pa naman ang susunod na pinuno ng kanilang emporyo. Hindi naman lingid sa kaalaman nila na nag-uunahan ngayon ang mga opisyales para mapansin sila ng prinsesa at maangkin na rin ang pabor nito bago pa siya tuluyan na maluklok sa trono.
Ngunit sa nakita nila naging ekspresyon ay tila kabaliktaran ng mg
