Chapter 36
"Ang tahimik mo yata?" puna ni Marli kay Travis habang naglalakad sila palabas ng mall, matapos nilang kumain.
Ngumiti naman ito.
"Ano ngiti lang? Di ka seryoso do'n sa sinabi mo sa'kin na gusto mo ko 'no? Alam mo habang maaga pa, pwede mo pang bawiin kung hindi mo mapapanindigan." pasaring pa niya.
Nagulat siya ng hatakin siya nito at akbayan.
"Masaya lang ako na nasabi ko na sa'yo nararamdaman ko. It took years to have this courage. Madalas man kitang binibiro hindi nangangahulugan na hindi ako nagsasabi ng totoo. Uulitin ko, gusto kita."
Napaiwas siya ng tingin at naumid ang dila.
"Ano? Ikaw naman ang natahimik. Namumula ka pa diyan. Para kang nakakain ng sili." nakangising tudyo pa nito ng mapansin ang pamumula ng mukha niya.
Inirapan niya ito at bahagyang siniko sak
