CHAPTER 27
Mahihina at sunod-sunod na katok ang narinig ni Mattheo mula sa labas ng kanilang pintuan. Kasalukuyan siyang nasa loob ng kanyang silid at katatapos lamang na maligo.
Inabot niya muna ang kanyang t-shirt na nasa ibabaw na ng kanyang papag at isinuot iyon bago naglakad palabas ng kanyang silid. Inaayos niya pa sa kanyang katawan ang naturang kasuotan habang tinatahak niya ang daan palapit sa kanilang pintuan upang pagbuksan ang kung sino man na kumakatok sa labas.
Wala pa ang kanyang "ina" na kanina ay nagpaalam sa kanya na pupunta ng palengke upang bumili ng kanilang ulam para sa araw na iyon.
Alam niya na napapansin na rin ni Helen ang maraming pagbabago sa kanya. Kahit ang bihira niyang pagpasok sa kompanya ng mga Millares ay alam niyang ipinagtataka na nito. Minsan na ri
