"Saan mo ba talaga ako dadalhin, babe?" Magkahalong excitement at pagtataka ang naramdaman ni Reza nang takpan ni Kieran ang mga mata niya, nang makarating sila sa parang dulo at tagong bahagi ng beach. "Hindi mo naman siguro ako ipapakain sa pating o ipapain sa siyokoy, 'di ba?"
Tumawa nang mahina si Kieran. "Basta, babe. Just keep walking. Hindi ko gagawin ang alin man sa dalawang sinabi mo. At mas lalong hindi rin kita kikidnapin, kung iniisip mo din 'yon."
Hindi na nangulit pa si Reza at nagtiwala na lang siya sa nobyo. Tutal, hawak-hawak naman nito ang kamay niya. Kaya hindi na siya nangangambang baka madapa siya dahil padilim na ng mga oras na 'yon.
"Oh my, God!" Napatili si Reza nang may maapakan siyang parang matulis na bato. "Ano 'tong nilalakaran natin, babe? Nasa beach pa ba
