Isang umaga, pag-out niya sa trabaho, nagulat si Reza nang sunduin siya ni Kieran na naka-motor, na hitsura pa lang ay mukhang mamahalin at bagong-bago.
May dalawang linggo na rin ang kanilang relasyon. Unti-unti na ring nasasanay si Reza na si Kieran ang kasama niya sa apartment. Umalis na ito sa dating unit at lumipat na sa unit niya. Paminsan-minsan ay umuuwi ito ng Bacolod pero nakakabalik din naman 'agad dahil sa private chopper nito.
Kilala na rin ng Tita Marites ni Reza si Kieran. Kahit natutuwa ang tiya niya na isa sa major sponsor ng ospital ang boyfriend niya, lagi pa rin siya nitong pinapangaralan. Huwag daw siya masiyadong 'magpakalulong' sa pagmamahal ni Kieran para hindi siya gaanong masaktan kapag hindi nag-work ang kanilang relasyon. Si Tita Marites din ang nag-advise kay
