Pagbukas pa lang ng pintuan sa hotel room na tinutuluyan nila noon ni Reza ay sunod-sunod na napahugot si Kieran nang malalim na hininga. Sandaling sumandal sa pinto ang binata at pinagmasdan ang paligid.
Ilang araw na rin simula nang patayin niya si Reza. Ngayon lang ulit nagkalakas ng loob si Kieran na bumalik dito. At habang nakikita niya ang mga gamit ng nobya na naroon pa rin sa mga lagayan, parang sasabog na ang luha ni Kieran. Parang bibigay na ang mga tuhod niya. Animo'y kandilang unti-unting nauupos ang pakiramdam ni Kieran.
Kaya pa ba talaga niyang pumasok dito na wala ng magandang nobya ang sasalubong sa kaniya? Wala ng hahalik? Wala ng yayakap?
He was shaking as he entered the room. Umiinit ang bawat sulok ng mga mata na dahan-dahang umupo sa gilid ng kama si Kieran. Namasa
