Puno ng excitement na tumayo mula sa pagkakahiga sa kama si Reza nang marinig ang sunod-sunod na pagkatok. Sigurado ang dalaga na si Kieran iyon. Kahit malalim na ang gabi ay matiyaga pa ring hinintay ni Reza ang pag-uwi ng nobyo.
Para masigurong si Kieran nga ang kumakatok ay sumilip muna ang dalaga sa maliit na butas ng pintuan. Napangiti si Reza nang makita ang nobyo.
Kaagad niya itong pinagbuksan. "Hi, babe! I miss you!" masigla niyang bati kay Kieran at mabilis na kumapit sa mga balikat nito at hinalikan ito sa bibig. Ngunit napalis ang ngiti ni Reza nang makita ang mga pasa at ilang sugat sa mukha at bibig nito na parang sariwa pa. "A-anong nangyari sa'yo, babe?"
Gumanti ng halik at yakap sa kaniya si Kieran. Pero pagkatapos ay walang salita na dumiretso ito ng upo sa gilid ng ka
