Kakabalik lang ni Reza sa nurse station, mula sa pagbi-break time, nang maabutan niya ang pag-iingay ng mga kasamahan. Lalong-lalo na si Sandro. Daig pa nito ang nakakita ng artista. Iba ang kasama ni Reza sa pag-break time dahil night shift siya ngayon.
"Grabe, bru, napaka-chopopo niya pala sa personal!" narinig ni Reza na pigil na pigil na tili ni Sandro, habang kausap ang kasama rin nilang nurse na bakla na si Carlo. "At ang tangkad niya. Nakaka-lurky. Parang gusto kong magpabalibag sa kaniya... Sa kama."
"Sa trulilty lang, bru, malabong mangyari 'yan," kontra kunwari ni Carlo. "Hindi niya kayang ibalibag ang isa ring six footer na 'tulad mo. So, ako talaga. Ako ang bagay sa kaniya kasi mas maliit ako. Ang ganiyang mga borta ang katawan, mas gusto nila ang maliliit para mabilis ibali
