"Pinsan! Kumusta ka na?" Napamulat ang inaantok-antok na mga mata ni Reza nang marinig si Kieran na may kausap sa cellphone. Nakahiga sila sa kama habang nakasubsob siya sa dibdib nito. Pero dahil wala pang balak na gumising ang dalaga kaya hindi na muna niya pinaalam sa nobyo na gising na siya. "Kumusta na ang pagbibilang mo ng babae, pinsan? Nakadami na ba?"
Nauulinigan lang ni Reza ang boses ng kausap ni Kieran, na pinsan daw nito, pero hindi iyon malinaw sa dalaga.
Narinig ng dalaga ang mahinang tawa ng boyfriend. "Nakaalis na ang model mo? Eh, di maghahanap ka na naman pala niyan ng panibago?"
Lihim na napailing si Reza. Mukhang playboy din ang pinsan ni Kieran. Naulinigan niya itong tumawa sa kabilang linya.
"Nagmana lang naman ko sa pagka-playboy mo, pinsan. Idol kita, eh," tuma
