"Oy, bakla, anong nangyari sa'yo kanina at di mo ako pinansin?"
Kaagad na bungad ni Sandro kay Reza nang makauwi ito sa apartment nila. Morning shift kasi ito kaya papasok pa lang ito nang mag-out siya kanina.
Pagkatapos na pagkatapos na magpa-discharge ni Kieran kanina sa ospital, dali-daling nag-out si Reza. Bukod sa ayaw niyang magpahatid kay Kieran dito sa apartment nila, katulad ng inalok nito kanina, gusto pa ni Reza na takasan ang binata. Pagkatapos siya nitong mahuling nananaginip kaninang umaga, wala ng mukha si Reza na maihaharap pa kay Kieran.
Hindi alam ng dalaga kung nagsalita ba siya habang nananaginip. Wala naman kasing sinasabi si Kieran, maliban sa nanunuksong mga tingin ng binata kapag nagkakatitigan sila.
Gayon pa man ay hindi maiwasan ni Reza ang makaramdam nang mat
