Bago umuwi ay dumaan muna ng bakery si Kieran. Ibinili niya ng piyaya ang kaniyang ina at kapatid. Parehong paborito ng mga ito ang piyaya. Batchoy naman ang binili ni Kieran para kay Lola Mildred.
"Kieran?!"
Napalingon si Kieran mula sa aktong pagsampa sa kotse nang marinig ang boses ni Dimple sa likuran niya. "Hey, Dimple! Kumusta ka na?" kaswal niyang bati rito.
"Okay lang naman." Matamis itong ngumiti. "Kailan ka pa dumating?"
"Kanina lang."
"Baka gusto mong dumaan sa bahay. Nagpaluto ako ng Kalamay hati. 'Di ba favorite mo 'yon?"
Nakangiting umiling si Kieran. "Thank you na lang, Dimple. Pero nagmamadali kasi ako. And besides, baka magselos ang boyfriend mo."
Maarte siyang tinampal ni Dimple. "Ito naman parang hindi ako kilala. Kailan pa ba ako nagka-boyfriend? Alam mong pareho
