Nadatnan ni Reza si Sandro na tulog na tulog kaya hindi na niya ito ginising. Bukas na niya ikukuwento ang lahat.
Hindi rin naman 'agad nakatulog ang dalaga dahil panay ang isip niya sa naging pag-uusap nila ni Kieran kanina. Feeling niya ay para siyang bumuo ng sariling problema.
Halos mag-umaga na rin ng dalawin ng antok si Reza. At nang magising siya ay naabutan niya si Sandro na nag-eempake ng mga gamit nito.
"Good morning, bakla," bati ni Reza sa kaibigan at saka dumiretso sa banyo para magmumog at maghilamos.
"Good morning!" masiglang bati rin sa kaniya ni Sandro. "Oy, bakla. Nanalo ka ba sa raffle?"
Sandaling tumigil sa pagsasabon ng mukha si Reza. Alam niya kung ano ang tinutukoy ni Sandro. Pinaghandaan na niya kaninang madaling araw ang isasagot. "Hindi 'yan galing sa kung a
