Halos umuusok pa ang mga gulong ng kotse ni Kieran nang umibis siya roon. Pagkatapos ay nagmamadali siyang pumasok sa loob ng bahay ni Drake. Sa sobrang pagmamadali, hindi na naisara ni Kieran ang gate. At hindi na rin niya napansin ang taxi na kanina pa nakasunod sa kaniya, na hindi rin niya namalayan dahil sa dami ng gumugulo sa kaniyang isipan.
"Ito na nga ang sinasabi ko, eh! Sa pagkakaroon n'yo ng sariling plano! Sa mga pagmamagaling n'yo!" galit at malakas 'agad na boses ni Bernard ang narinig ni Kieran nang makapasok siya sa bahay ni Drake.
Base sa nadatnan ni Kieran ay mukhang kanina pa sinesermunan ni Bernard si Gemaima. Kaya naman inihanda na niya ang sarili.
"At ito na pala ang magaling mong partner," sarkastikong salubong sa kaniya ng kanilang leader. "Cooperation niya ang p
