--Eden--
NAKAHINGA siya ng maluwag nang lumabas si Zeki.
God Eden! Muntikan mo na isuko ang 'Bataan'.
Pero hindi niya alam kung hanggang kailan niya kayang kontrolin ang sarili pag kasama si Zeki. Mali ito. Hindi dapat ganito ang nararamdaman niya.
Masamang tao ito.
Napabuntong hininga siya at sumilip sa balcony ng kwarto.
Tanaw niya si Zeki kasama ng ibang goons na nakatayo sa gate, kausap ang isang lalaki na may kasamang mga kalalakihan. Kutob niyang may kinalaman ito sa vault na kinuha ng asawa niya.
Asawa? Talaga ba Eden? So, payag ka na asawa mo siya?
Ipinilig niya ang ulo at muling nahiga. Walang saysay kung makipaglaban pa siya, kailangan niya makuha ang loob ng asawa. Nang sa gayon, mas mamapadali ang mga plano niya.
Nasa malalim siya pag-iisip ng plano ng bumukas ang
