Kabanata 13
Spin
“Parang sure na sure ka na sa kaniya, a. Totoong totoo na ba ‘yan?” seryosong tanong sa’kin ni Yerim habang kinukuha ang mga pinamili naming pagkain at drinks.
Ayaw pa sana kaming paalisin ni mama at hayaan na lang na doon matulog si Levi, ngunit nagpumilit na akong umalis dahil hiyang-hiya na ako sa kaniya. Although, hindi naman siya nagrereklamo pero ako ay ayokong hindi siya maging kumportable, kaya nang magising siya ay niyaya ko na agad siya pabalik sa condo nang kasama sina Yerim at Rafa.
“Hindi ko alam, Ye. He said I love you first,” nag-aalangang sagot ko sa kaniya.
Nakita ko ang pagkagulat sa mga mata niya habang binibilang niya ang sukli niya. Nang makuha namin lahat ng pinamili namin para sa sleep over ngayon ay lumabas na kami ng convenience store. Si Rafa
