Pilit na nagpupumiglas si Sam. Halos hindi na rin siya makahinga dahil sa takip ni Mr. Grañoso ang kaniyang ilong at bibig. Mabilis siya nitong naipasok sa loob ng silid. Tama nga ang hinala niya, tambakan ito ng mga sirang gamit; upuan, lamesa, mga papel at ilang mga patapong gamit.
Pagkatapos siya nitong bitawan, sinubukan niyang sumigaw. Pero, agad siya nitong tinutukan ng baril. May baril ang guro!
"Sige, sumigaw ka! Gusto mo bang maging gaya niya?" nakangising itinuro nito ang baril sa isang gilid. Sinundan ito nang tingin ni Sam at kahit nakatakip ito ng puting kumot, nakalabas naman ang dalawang paa nito! Nakasapatos pa na pamasok.
Kaya pala iba ang amoy sa paligid. May patay na estudyante!
"Gaga kasi! Kung sumunod siya sa akin, hindi na sana niya sasapitin ang ganiyan! Kaya ik
