***
Medyo maingay sa paligid at kalat-kalat na sa malaking entablado ang iba't ibang grupo na ginagabayan ng mga choreo at ibang assistant director. Abala na ang lahat para sa rehearsal ng blocking.
At dahil isang musical ang kanilang palabas, hindi mawawala ang pagkanta at pagsayaw. Uunti-untiin nila 'yong eensayo, kasabay ng pag-arte ng naaayon sa kuwento.
Nakatayo naman siya sa pinakagilid habang napapaisip. Dapat ba ay 'di na lang siya pumasok? Pero importanteng makasali siya sa lahat ng rehearsal, lalo na sa kaniya na may kakaibang kondisyon. Hindi siya puwedeng basta umasa sa sketch plan na ibinibigay palagi sa kaniya ni Direk Gian.
"Janice, focus," tawag-pansin sa kaniya ng isa sa choreo na si Roi. Bading ito pero kung manamit ay lalaki. Maingay at
