Chapter 21
Nakatalukbong ako sa bedsheet ko sa takot. Multo. Multo. Mayroon multo sa spring. Multo. Multo! At meron akong ebidensiya! Nasa picture ko ang multo!
Mahina na napatili uli ako na narinig kong may bumukas sa bintana ng kwarto ko. Mahigpit na napahawak ako sa bedsheet nang may pumasok sa loob. Oh Lord! Save me sa Ghost stalker ko! Dahil sa takot ko ay hindi ako sumilip man lang. Basta, ramdam na ramdam ko na malapit lang siya sa akin. Tumatagaktak ako ng malamig na pawis.
“L-lord…Lord. Help. Alam ko naman na pasaway ako at nagsisinungaling pero hindi ko deserve na maranasan ang ganitong klaseng bagay. Nagbabayad naman ako ng tamang buwis, mabait naman akong anak at—ahh!” Tili ko uli n’ong maramdaman ko ang kamay sa likod ko, wala sa oras na gumapang ako palayo pero dahil balot
