MAAGANG NAKATULOG si Master Godipher ngayong araw. Buong maghapon daw niya ako hinanap at napag-alaman niyang kasama pala ako ni tita Susana na pumuntang Mall.
Paano naman kasi magpapaalam sana ako pero tulog pa siya kanina kaya hindi na ako nakapagsabi sa kanya.
Kaya heto pagkauwi ko naman, nakatulog na raw si Master Godipher kakahintay sa amin pag-uwi. Hindi ko tuloy naibigay ulit itong panda sa kanya, nahagilap ito ng mata ko sa department store at naalala ko si Peewee ang unang panda na binigay ko kay Master Godipher.
Bukas ko na lamang ibibigay.
Pumanik na ako sa k'warto ko at nagpalit ng pantulog. Napahiga na ako sa kama pero masyado pang maaga para matulog ako. Napangiti ako ng makita ang gel polish sa aking paa. Sa paa ako nagpalinis kanina.
Masaya akong hindi ako pinatal
