ALAS-SAIS NG GABI ng makabalik kami sa Mansion. Lahat kami ngayon ay nasa dinning hall. Nagtataka nga sila Mama Tess kung ba't sila pinapulong ni Master Godipher. Tikom ang aking bibig kahit panay ang tanong sa akin nina ate Mheg at Robin.
Nakatayo ako katabi ni Robin at sa kaliwa ko naman ay si ate Mheg. Pina-upo namin ang mga mas matanda sa amin, doon na lang siguro kami uupo sa may kitchen counter mamaya.
Napatingin ang aking mga mata sa direksyon ni Young Master Luxus, gano'n na lamang ang pag-iwas ko ng makitang nakatingin siya sa akin.
May dumi ba ako sa mukha? Palihim kong hinawakan ang aking mukha, wala naman akong nakuhang dumi. Baka namamalikmata lang ako.
Si kuya Jun pala ang kasama ni Master Godipher, at nakita ko na silang dalawa. Narinig ko ang bulung-bulungan sa pali
