“Good morning, kuya Godipher and kuya Luxus!”
Napahikab ako nang marinig ko ang boses ng kapatid kong si Laziz. Tinawag niyang kuya ang dalawang iyon. Pangalawang araw na namin sa bahay at bukas lamang din ay babalik na kami sa Manila.
Niligpit ko ang aking pinaghigaan at binuksan ang bintana rito, tinali ko ang kurtina para pumasok ang hangin at sinag ng araw rito. Namiss ko talaga sa probinsya namin. Tumingin ako sa salamin at nakita kong wala naman akong muta sa aking mata. Mag-i-island hopping kami ngayon sa may Sta. Cruz at dadalawin ulit namin ang beach resort na binili nila, hindi kasi namin naikot nang masyado iyon dahil late na rin kami dumating kahapon.
Kinuha ko na agad ang towel na nakasabit sa likod ng pinto, kumuha na rin ako ng damit na susuotin ko, nilapag ko ito sa kam
