NAG-AALALA si Heaven para kay RV na nasa loob ng Emergency Room. Panay ang lakad niya sa labas ng Emergency Room.Malakas ang kabog ng dibdib niya habang hindi mapakali. Kanina pa si RV sa loob ng Emergency Room. Panay ang hinga niya ng malalim at kinakalma ang sarili. Napatingin siya sa kaniyang palad. Doon niya lang nakita na nanginginig na pala siya dahil sa sobrang pag-aalala.
"Magiging okay din si Venedict, Heaven..." Aniya sa kaniyang sarili at umupo sa upuan na nasa labas ng ER.
"Magiging okay din siya..."
Pinagsiklop ni Heaven ang dalawang palad habang nagdadasal. Mag-isa lang siya rito na naghihintay na lumabas ang doktor mula sa ER. Hindi niya kilala ang pamilya ni RV na nandito sa Baguio kaya hindi niya alam kung sino ang tatawagan niya.
Napatayo si Heaven nang makitang lumab
